Imanol Pradales lehendakarigai izatea proposatu die EBBk alderdikideei
Imanol Pradales da Euzkadi Buru Batzarrak (EBB) EAEko hauteskundeetan alderdikideei lehendakarigai izateko proposatuko dien hautagaia. Ostiralean jakin zen Iñigo Urkullu lehendakariak ez duela hautagai gisa errepikatuko. EBBk ezohiko bilera egin du larunbat goizean, eta Alderdiaren Lehendakaritzarako, Eusko Legebiltzarrerako eta Europako Parlamenturako hautagaitzak hautatzeko barne-prozesuari hasiera ematea erabaki du.
EAJk argitaratutako ohar batean Andoni Ortuzar EBBko presidenteak adierazi duenez, "Euzkadi Buru Batzarrak Urkullu lehendakariak azken hiru legealdi hauetan egin duen lan eskerga eskertzen eta aintzatesten du. Ia hamabi urteko konpromiso eta dedikazioa izan dira, Euskadiren alde eta bere gobernuan, beti herritargoaren onbeharrez eta krisi ekonomikoek, pandemiek eta nazioarteko zein gure gizarteko gatazkek konplikatu dituzten garaietan. Gure alderdiak oso modu positiboan baloratzen ditu bere jarduna eta gure autogobernuaren goi ordezkaritza".
Oharrak EBBko presidenteak epe ertain eta luzerako etorkizunari buruz egin duen hausnarketarekin jarraitzen du. "Epe ertain eta luzera begiratuz eta Urkullu lehendakariak eta bere gobernuak utzi diguten asebetetze oinarri handiarekin, EBBk ulertzen du une egokia dela belaunaldi berri bati bidea irekitzea datozen hamarkadetan euskal erakundeak gobernatu ahal izango dituenak gure herriarentzat planteatzen diren ziurgabetasun eta aukerez betetako garaiak datozela ikusirik", gaineratu du jeltzaleen presidenteak. Pradalesek "belaunaldi hori gorpuzten du", EBBren iritziz.
Imanol Pradales Gil (Santurtzi, 1975) Santurtziko Uri Erakundeko alderdikidea da. Soziologian doktore eta hiru eleduna da, hainbat master egin ditu eta "soberan erakutsi du kudeatzeko gaitasuna duela", EAJren arabera. "Alderdiak azken hamar urteotan garatu dituen hausnarketa eta berrikuntza prozesuetan egin dituen ekarpenek bihurtu dute gure barruko eta kanpoko errealitate politikoaren aditu", dio oharrak. 2011. urtetik ari da Bizkaiko Foru Aldundian lanean.
Alderdiaren hautagaiak ez ditu EBBk izendatzen, baina tokiko erakundeei barne hauteskunde prozesua hasteko proposamena egiten die eta batzokietako bozketetan erabakitzen dira hautagaiak. Gainera, barne prozesu horren lehen itzulian, EBBk ez ezik, udal erakundeek ere proposa ditzakete hautagaiak. Batzokietako bozketen bigarren itzuliko emaitzak erabakitzen du hautagai nor izango den; izan ere, Batzar Nazionaleko ahaldun bakoitzak berak ordezkatzen duen udal taldeak bozkatu duena bozkatu behar du.
Zure interesekoa izan daiteke
450 kulturgilek baino gehiagok eskatu dute Mugimendu Sozialistari Bilbon eta Gasteizen txosna jartzen uzteko
Bada Garaia ekimenaren baitan, bi hiriburuetan ezarritako debekua altxatzeko galdegin dute dozenaka idazlek, abeslarik, aktorek eta bertsolarik. Bilboko Konpartsei eta Gasteizko Txosna Batzordeari gatazka behingoz konpontzeko deia egin diete artistok.
Cerdanek ukatu du Leire Diezen ustezko sarearen burua dela, eta salatu "kanpaina mediatiko" baten biktima dela
PSOEko Antolakuntza idazkari izandakoaren iritziz, UCOren helburua "pertsonak suntsitzea da, ez delituak ikertzea". Argudiatu duenez, Polizia Judizialak gertakari zehatzak ikertu eta, ondoren, erantzuleak bilatu ordez, "alderantzizko metodologia" erabiltzen du.
Europako Migrazio Itunaren "hutsuneak eta zalantzak" kritikatu dituzte Kanarietako eta Euskadiko gobernuek, indarrean jarri aurretik
Migrazioaren eta Asiloaren Europako Ituna indarrean jartzeko astebete falta denean, "ziurtasun baino zalantza gehiago" daudela deitoratu dute. "Elkartasunak agenda, aurrekontua, gobernantza eta erantzukidetasuna izan behar ditu", azpimarratu du Nerea Melgosak.
Sanchezek dioenez, ez zituen Diezen "ibilerak" babestu, ez zuen haien berri, eta izan balitu ez zituzkeen onartuko
Pedro Sanchezek iragarri duenez, PSOEko talde juridikoa Leire auziari buruzko dokumentazio guztia aztertzen ari da, alderdiaren "ohorea" babesteko ekintza egokiak abiatzeko. "Nire gobernua gobernu garbia da, nire alderdia alderdi zintzoa da, eta, oroz gain, ustelkeria gutxi batzuen kontua da", azpimarratu du.
Bengoetxea: "Informazioak kezkagarriak dira, egunen batean Sanchez presidenteak azalpenak eman beharko ditu"
Ibone Bengoetxea Kultura eta Hizkuntza Politikako sailburu eta lehen lehendakariordea PSOE "ataka zailean" jartzen ari diren ustezko ustelkeria auzien inguruan mintzatu da. Horren ustez, "egoera larria da", eta buruzagi sozialistak azalpenak eman beharko ditu. Auziek Jaurlaritzan izan dezaketen eraginaz galdetuta Bengoetxeak erantzun duenez, Jaurlaritzak "euskal agenda du" eta "ez da despistatzen".
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.