EH Bilduren lehendakarigaiaren izena abendurako ezagutuko dela espero du Arnaldo Otegik
Gaur goizean Arnaldo Otegik iragarri du ez dela EH Bilduren lehendakariagaia izango 2024ko Eusko Legebiltzarrerako hauteskundeetan, eta, Maddalen Iriarte aurreko lehendakarigaiak errepikatuko ez duela jakinda, dagoeneko hasi da hautagaien izen dantza. Koalizio abertzaleak gaur hasi du hautagaia izendatzeko prozesua, eta EH Bilduko koordinatzaile nagusiak aurreikusten du abenduan ezagutuko dela nor izango den, xehetasun gehiagorik eman gabe.
Dena dela, Euskadi Irratian egin dioten elkarrizketan azaldu duenez, uste du hautagaia nor izango den baino garrantzitsuagoak direla baloreak eta proiektuak. Otegiren esanetan, gero eta jende gehiagok iritzi dio koalizio abertzaleak ordezkatzen dituen baloreak eta proiektuak bereak direla, eta hori lehendakarigai nor izango den baino garrantzitsuagoa dela nabarmendu du.
Bera ez aurkezteko erabakiaz galdetuta, erantzun du momentu politiko honetan ekarpen handiagoa egin dezakeela EH Bilduko koordinatzaile gisa, Euskal Autonomia Erkidegoko lehendakarigai gisa baino.
Hauteskunde datari dagokionez, berriz, aurreratu egingo direla pentsatzen du. Martxoan edo otsaila bukaeran egiteko aukera aipatu du.
Itxura guztien arabera, EAJren lehendakarigai izango den Imanol Pradalesen inguruan ere hitz egin du. Iñigo Urkulluren klon gisa ikusten du eta jarraipenaren hautagaia dela dio. Ildo horretan, esan du "erregenerazioak politikoak" direla, ez biologikoak, eta nolabait izenak aldatuta bakarrik ez direla gauzak aldatuko. "Jendeak nahi du beste politika batzuk egitea", gaineratu du.
Bestalde, Euskal Autonomia Erkidegoko Hezkuntza Lege berriari dagokionez, Otegik aurreratu du EH Bilduren mahai politikoak ezezko botoa ematea proposatuko diela militanteei. Horri lotuta, ez du ulertzen EAJk nolatan onartu duen, PSE-EEk eskatu bezala, hizkuntza ereduei eustea. Erabaki horren atzean datorren legealdirako EAJren eta PSE-EEren arteko akordioa egon daitekeelakoan dago.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.