Itxasok uste du "lehenengo hiruhileko honetan" argituko dela aldiriko trenen eskumenaren afera
Espainiako Gobernuak Euskadin duen ordezkari Denis Itxasok egungo agertoki politikoa izan du aztergai Euskadi Irratiko "Faktoria" saioan. Espainiako Gobernuko presidente Pedro Sanchezen legealdi berrian fokua jarrita, eta aldiriko trenen eskumenaren eskualdatzea mintzagai, esan du lehen hiruhilekoan argitu dela afera hori. "Aurreko legegintzaldian asko aurreratu genuen, eta bi gobernuen arteko jarrerak oso gertu daude. Beraz, sinatutako konpromisoa betetzeko aukera izango dugu, nahiz eta ez dudan egoki jotzen data zehatzez hitz egitea, epeak ez betetzeak frustrazioa besterik ez dakarrelako", azaldu du.
Zentzu horretan, argitu du Renfek jarraituko lukeela zerbitzu hori ematen, kontzesioa bukatu arte, "besteak beste, ez dagoelako bide horietan lan egiten duen beste konpainiarik. "Distantzia luzeko bidaiak ere, ziur aski, Adifen esku jarraituko dute, alegia, eskualdatzen dena zerbitzua bera da, baina xehetasunak bi gobernuek adostuko dituzte", adierazi du.
Euskal Autonomia Erkidegoko hauteskundeei buruz galdetuta, Itxasok nabarmendu du inolaz ere ez daudela EAJrekin gobernatzera kondenatuta: "Erabakiak eta akordioak borondate propioz egiten ditugu".
PSE-EEko idazkari nagusi Eneko Anduezak egunotan EAJri buruz esandakoak ere hartu ditu hizpide, eta alderdikidearen jarrera defendatu du. "Behin legealdia bukatuta bakoitzak bereari eusteko eskubidea du. Kasu honetan Anduezak bere burua aurkezten du, PSE-EEren programarekin, alegia, ez gara EAJrekin koalizioan aurkezten. Behin emaitzak ikusita jakingo da non geratzen garen batzuk eta besteak, eta jendeak ematen digun pisuaren arabera, Gobernua ezberdina izango da", egin du azpimarra.
Zure interesekoa izan daiteke
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.