Espainiako Gobernuak herritar guztiei zabalduko die garraioaren beherapena
Pedro Sanchez Espainiako Gobernuko presidenteak prentsaurrekoa eman du asteazken honetan, Ukrainako eta Ekialde Hurbileko gatazkek eragindako ondorio ekonomiko eta sozialei aurre egiteko eta lehortearen ondorioak arintzeko onartutako zortzigarren neurri-sortaren berri emateko.
Ministroen Kontseiluak etxeentzako eta enpresentzako laguntza sorta berritzea jasotzen duen Errege Lege Dekretua onartu du. Sanchezek labur-labur zerrendatu ditu jarraian azaltzen diren neurriak.
Neurri-sorta horrek 2022an indarrean jarri ziren edo 2023an hasi ziren neurrien luzapenak jasotzen ditu.
2024 osorako neurriak
Aldirietako, Rodalies, Media Distancia eta Estatuko autobus lineen ohiko erabiltzaileentzako doakotasuna, baita Avanten deskontua ere.
Estatuak hiri-txartelen eta hiriarteko txartelen tarifaren % 30eko ekarpena egiten jarraituko du, betiere autonomiek gutxienez % 20ko ekarpena egiten badute gutxieneko % 50eko deskontua lortzeko.
Argindarraren fakturan beherapen fiskalak mantentzen dira, % 10eko BEZ tasa murriztuarekin 2024 osorako, Elektrizitatearen gaineko Zerga Bereziaren murrizketa mantentzeaz gain.
Gasak ere BEZaren beherapen bat izango du, % 10ean kokatuko dena, zurarentzat zein pelletentzat ere mantenduko da murrizketa.
Bizileku-alternatibarik gabeko etxe kalteberetarako utzarazpenak eta jaurtiketak bertan behera geldituko dira.
Urteko lehen seihilekorako neurriak
BEZa % 0an mantentzea oinarrizko elikagaietarako eta % 5ean pasta eta olioetarako.
Familia kalteberentzako bonu sozialaren deskonturik handiena luzatzea, gasaren tarifa arautuaren eta butano-bonbonaren prezioa igotzea mugatzea.
Industriari laguntzeko neurriak zabaltzea: bidesari elektrikoak % 80ra murriztea industria elektrointentsiborako, eta malgutasuna hornidura elektrikoko kontratuen aldaketetan.
Zergen arloan
Elektrizitatearen BEZaren, elektrizitatearen zerga bereziaren eta ekoizpen elektrikoaren balioaren gaineko zergaren beherapen fiskalak mantentzen dira.
Gasaren BEZaren beherapena ere aplikatzen da urteko lehen hiruhilekoan.
Etxebizitzak birgaitzeko PFEZko kenkariak luzatzen dira, eta sozietateen amortizazio-askatasuna mantentzen da inbertsio eraginkorrengatik.
Autonomoek PFEZ eta BEZ moduluak murrizten jarraituko dute.
2024an luzatuko dira ondasun handien energia-, banku- eta elkartasun-kargak.
Bankuei eta energiari buruzko aparteko zergak luzatu egingo dira, eta, horretarako, araudia aldatuko da, urtarrilaren 1etik aurrera trantsizio berdearekin lotutako inbertsio estrategikoak kendu ahal izateko.
Beste neurri batzuk
Kotizaziopeko pentsioen % 3,8ko errebalorizazioa.
Adinekoentzako eta desgaitasuna dutenentzako leihatilatik eskudirua ateratzeagatiko komisioak ezabatzea.
Tasa aldakorreko kredituen amortizazio aurreratuagatiko banku-komisioak edo -konpentsazioak ezabatzea.
Gutxieneko bizi-diru-sarreraren kudeaketa lagatzea eskatzen duten autonomientzat.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.