Rajoyren agerraldia eskatuko du Juntsek "Katalunia operazioa"-ren ikerketa batzordean
Juntseko idazkari nagusi Jordi Turullek ziurtatu du Mariano Rajoy Espainiako Gobernuko presidente ohiaren agerraldia eskatuko dutela, Kongresuak "Katalunia operazioa"-ren harira abiatutako ikerketa batzordean.
Horixe adierazi du gaur bertan TV3 telebista kateari emandako elkarrizketan, La Vanguardia egunkariak, eldiario.es-ek eta elNacional.cat-ek zabaldutako informazioaren ondotik. Komunikabide horiek aurreratu dutenez, proces auzia geldiarazteko asmoz "polizia patriotikoa" izenez ezagutzen denak Kataluniako buruzagi independentisten aurka egindako jardunaren berri jasotzen zuen PPko buruak.
Turullen hitzetan, Kongresuaren Mahaia eratzeko baldintzetako bat izan zen "Estatuko estolden" gaineko ikerketa batzordea berrabiaraztea. Hori horrela, iragarri du Rajoyren agerraldia galdegingo dutela, aurreko legealdian egin zuten gisara, nahiz eta orduan PPk eta PSOEk eskakizuna atzera bota zuten.
"Ziur nago oraingo honetan ez dutela ukatuko", nabarmendu du. Izan ere, Juntseko buruaren ustez, "Ministerioan bertan batzuk hasi dira dagoeneko horri buruz hizketan", "egia jakiteko eskubidea" dagoelako.
Sanchezek lotsagarritzat jo du PPk Polizia erabili izana
Espainiako presidente Pedro Sanchezek, bestalde, berretsi du bere Gobernuak ez duela egundo Polizia "interes alderdikoien" mesederako erabili, PPk ez bezala. "Deitoragarritzat" eta "lotsagarritzat" jo du, hain zuzen ere, popularren jokabidea.
Hainbat komunikabideren ikerketa
La Vanguardia eta eldiario.es-en ikerketaren arabera, Mariano Rajoyren Gobernuak Poliziaren goi karguak erabili zituen, legez kanpo, alderdi independentistak ikertzeko, eta Kataluniako prozesu subiranistaren kontrako kanpainak antolatzeko.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.