Pradalesek, Osakidetzaz: "Lehen Arretan garai batean jarritako filtro asko agian desagertu beharko lirateke"
Ofizialki EAJren lehendakarigai denetik Imanol Pradalesek emandako lehen elkarrizketa izan da gaur "Egun on" saioari eskainitakoa. Bertan, bere hautagaitza, hauteskunde kanpaina eta euskal gizartea kezkatzen duten hainbat gai hartu ditu mintzagai. Azken puntu horretan, eta Osakidetzaren aferaz galdetuta, pandemiak utzitako zauriak sendatzeko premiaz jardun du, eta onartu badirela aldatu beharreko beste zenbait kontu.
"Osasun sistema sendo bat dugu, ona da orokorrean, baina, zauriak osatzeko bidean, medikuen, erizainen eta osasun profesionalen laguntza beharko dugu, haiengatik ikasi, gabeziak non dauden antzeman eta zein aukera eman daitezkeen baloratzeko", adierazi du.
"Beharbada, Lehen Arretan garai batean ezarritako filtro asko desagertu egin beharko lirateke, alegia, baditugu gauzak hobetzeko. Horrek ez su esan nahi dena pikutara doanik edo dagoen guztia txarra denik. Euskal gizarteak eraldaketa izan du, osasun sistemaren ardatz nagusiak jarri genituenetik, hots, 80-90eko hamarkadetatik. Gizarte zahartuagoa dugu orain", erantsi du.
Bozkei helduta, aitortu du presioa baino gehiago errespetua zor diela, "baina ez hauteskundeei, baizik eta gizarteak eskatzen duenari erantzuteko gaitasunari". Horregatik, entzutea, ikastea eta proposamen on bat aurkeztea dira orain bere lehentasun bakarrak, "hori izango da nire estiloa", azaldu du.
Elkarrizketan, Pradalesek errepikatu du ez duela oraingoz hauteskunde kanpainan arreta jarri, "programa on bat lantzean" baino.
EH Bilduko hautagai Pello Otxandianori buruz, aldiz, kontrakoa adierazi du, hots, ez dagoela bere agertoki berberean, Lehendakaritza zerrenda bozkatuenak hartu beharko lukeela esan zueneko adierazpenak gogoan.
PSE-EEko lehendakarigai Eneko Anduezaren inguruan ere galdetu diote. EH Bildurekin Gobernua zuzentzeko akordiorik itunduko ez duela entzun da haren ahotan aspaldion, behin baino gehiagotan, eta hain zuzen ere, hitz horiek sinisten dituen galdetu diote Pradalesi gaurkoan. "Anduezak berba asko egiten du, baina ni nirean nago zentratuta, bera izango da berak esandakoen morroi, nabarmendu du.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.