Espainiako "ezegonkortasunak" Jaurlaritzari eragiten dioten erabakiak atzeratu ditzake, Zupiriaren arabera
Juntsek Amnistia Legea atzera bota eta biharamunean, Bingen Zupiria Eusko Jaurlaritzako bozeramailea kezkatuta agertu da Espainiako Gobernuaren "ezegonkortasunak" Euskal Autonomia Erkidegoari lotutako hainbat neurri atzeratu egin ditzakeela iritzita.
Amnistiaren Legeak gobernuen arteko harremanetan eragina duela onartu du Zupiriak, batetik hedabideen eta politikaren arreta guztia bereganatu duelako; bestetik, "ezegonkortasun horrek" gobernuak egin behar dituen politika guztiei eragiten dielako. "Gure kasuan, Eusko Jaurlaritzarekiko harremanetan bideratu eta hartu behar ziren zenbait erabaki atzeratzeko arriskua dago, gaineratu du.
Euskadi Irratiko "Faktoria" saioan egin dioten elkarrizketan Zupiriak azpimarratu duenez, "harrituta" jarraitu zuen atzo Juntsek Diputatuen Kongresuan Amnistia Legeari emandako ezezkoa. Halaber, uste du atzo agerian gelditu zela Espainiako Gobernuak zailtasunak izango dituela legegintzaldi honetan ekimenak aurrera ateratzeko, aurrekontu proiektua esaterako, Sanchezen inbestidura babestu zuten guztien babesa beharko duelako. "Juntsek atzo hartutako erabakia ikusita hori ez da gauza erraza izango", gehitu du.
Bestalde, transferentziei begira, konpromisoak bete daitezen lanean jarraituko dutela agindu du. PSOEk eta EAJk Sanchezen inbestidurako akordioan adostu zuten hiru hilabeteko epean mahai gainean dauden eskualdatzeak gauzatzea: aldiriko trenak, atzerriko unibertsitate tituluen baliozkotzea eta migratzaileen harrera. Hala ere, gaur-gaurkoz Zupiriak esan du ez dagoela Transferentzien Batzorde Mistoa biltzeko deialdirik.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".