Eneko Anduezak Osakidetzako plantilla 2.000 lanpostutan handitzea agindu du, "atzera erreferente izan dadin"
Eneko Andueza PSE-EEko idazkari nagusi eta lehendakaritzarako hautagaiak hitz eman du, bera lehendakari izaten bada, 2.000 lanpostutan handituko duela Osakidetzako plantilla, Euskal Osasun Zerbitzua "erreferente izan dadin atzera", "denen inbidia". Gainera, azpimarratu duenez, alderdi sozialista da EAEko "ezker arduratsua, ezinbestekoa eta herri ikuspegia duena", EH Bildu eta EAJ "zein baino zein abertzaleago" izateko lehian dabiltzan bitartean, edo "oinak lurrean dituzten independentistak, ala munta handikoak diren" ikustekoan.
Igande goiz honetan Barakaldoko Ilgner eraikinean, datozen hauteskunde autonomikoetarako hautagaitzak aurkezteko ekitaldian, izan dira, besteak beste, Denis Itxaso Gipuzkoako zerrendaburua eta Aroa Jilete Arabako zerrendaburua, bai eta Pilar Alegría Hezkuntza ministro eta Espainiako Gobernuko bozeramailea ere.
Ekitaldia Barakaldon izanik, Anduezak gogorarazi du Ezkerraldean daudela euskal sozialisten "sustraiak" eta "erantzukizuna" agertu du "euskal sozialismoaren figura handien lekukoa hartzeko". Datorren apirilaren 21ean Alderdi Sozialista Euskadiko gobernura eramateko helburua duela esan du, "Euskadik berriro sozialista izan behar duelako".
Erronka klimatikoa, mugikortasun jasangarria, erronka demografikoa edo "erabateko eraldaketa" aipatu ondoren, ohartarazi du PSE-EEk ezin diola "eraldaketa soziosanitarioari heldu, osasunaren arloari erreparatu gabe".
"Pandemiaren ondorioz legegintzaldi honetan zerbait ikasi badugu, hori izan da, Osakidetza ez zela hutsezina. Eta sistemaren josturak ikusi ditugu. Eta jostura nagusia, ondo dakizue, profesional falta da. Sozialistok aspalditik ari gara egoera horri buelta ematen saiatzeko lanean ", gaineratu du.
Lehendakarigaiak ziurtatu duenez prest da "Euskadiren gidoia aldatzeko lanean hasteko", eta baikor agertu da hauteskundeen emaitzei dagokionez, "PSE-EE funtsezkoa eta beharrezkoa izango delako".
Anduezaren iritziz, "alderdi sozialista da ezker arduratsua, erabakien erdigunean dagoena, gobernuei egonkortasuna ematen diena, akordioa bilatzen duena, elkarrizketa, Euskadi den herri plural, askotariko eta askatasunez betetako honetan bizikidetza lortzeko borrokatzen duena".
Zure interesekoa izan daiteke
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.