Garamendi: "Ez ditugu eskumenak hartu nahi edukitzeko bakarrik, gauzak hobetzeko baizik"
Olatz Garamendi Eusko Jaurlaritzaren Gobernantza Publiko eta Autogobernuko sailburua gustura agertu da azken egunotan Espainiako Gobernuarekin eskumenak eskualdatzeko lortutako akordioarekin, baina esan du ez dituztela eskumenak hartu nahi "edukitzeko bakarrik", baizik eta "gauzak hobetzeko".
Euskadi Irratian egindako elkarrizketa batean azaldu duenez, hain zuzen ere horregatik izan dute "negoziazio gogorra" Espainiako Gobernuarekin, eskualdaketa ez ezik, inbertsio planak adostu nahi zituztelako, zerbitzuak hobetu ahal izateko.
Pedro Sanchez presidente izendatzeko inbestidura akordioaren harira, eskumen bat geratzen da eskualdatzeko: migrazioarena. Horri buruzko lantalde teknikoak bilera egingo du astelehen honetan, baina ez du eperik jarri nahi izan, "hobetzeko asmoarekin" lortu nahi dutelako eskumena, eta horrek lan handiagoa eskatzen duelako negoziazioan.
Eskumen horrek zein onura ekarriko duen galdetuta, erantzun du, besteak beste, babesa lortu duten migratzaileak hezkuntzan, etxebizitza edo lana lortzeko zerbitzuetan, eta beste hainbatetan, sartzeko baliabideak izango dituztela.
Aldiriko trenen kasuan, esan du herritarren "bizi kalitatea" hobetzen saiatuko direla, Bizkaiko eta Gipuzkoako zerbitzuetan inbertsioak eginez, eta Araban lehenengo aldiz zerbitzu hori eskaintzeko aukerarekin. Sei hilabeteko epea omen dute orain Renferekin subrogazioa sinatzeko.
Tituluen homologazioaren harira, kritikatu du orain arte Ministerioaren esku zegoela eta oso motela zela atzerrian lortutako tituluak homologatzeko prozesua, baina orain gauzak aurreratzen saiatuko direla, "lanbide kualifikatuetako pertsonak gure sisteman sartzeko".
Azkenik, esan du Gernikako Estatutua 45 urte betetzear den honetan, badela lege organikoa "buelta gehiagorik eman gabe" betetzeko "garaia".
Zure interesekoa izan daiteke
Pradales: "Europak ez badu meneko izan nahi, bere erabakiak hartu behar ditu"
Imanol Pradales lehendakariak adierazi duenez, Europak "ez badu beste lider batzuen interesen mendeko izan nahi, bere erabakiak hartu behar ditu eta aktore globala izan behar du".
Gasteizko aurrekontuen onarpenean hauteskunde interesen arabera jokatzea egotzi diote elkarri EAJk eta EH Bilduk
Gasteizko aurrekontuen onarpena ika-mika iturri izaten ari da EAJren eta EH Bilduren artean. Batak besteari leporatzen diote hauteskunde interesak bultzatuta jokatu izana. Jone Berriozabal Arabako jeltzaleen buruaren arabera, EH Bilduk "argazki bat nahi zuen". Pello Otxandiano EH Bilduko ordezkariaren hitzetan, berriz, EAJk "hautu politikoa" egina du, koalizioarekin akordiorik ez ixteko.
Pradales lehendakariaren jardunaldi bizia Davosko Foroan
Gaur, Imanol Pradales lehendakariak, besteak beste, Bill Gates, Jens Stoltenberg, Paschal Donohoe eta Justin Trudeaurekin hitz egiteko aukera izan du. "Garrantzitsua zen Euskadi erakusleiho honetan egotea, harremanak egitea, epe luzera biltzeko orain ereitea", azpimarratu du lehendakariak.
"Pozik gaude erabakiarekin, eta orain errespetua eskatzen dugu"
Joxemari Mitxelenak, Euskadiko Pilota Federazioaren presidenteak, "federazio independente gisa" errespetatzea nahi dutela azpimarratu du, Espainiakoa, Frantziakoa, Argentinakoa edo Mexikokoa bezala. "Bakoitzak bere etxeko lanak ondo egin ditzala. Gu saiatuko gara gureak ondo egiten", gaineratu du Mitxelenak.
Nazioarteko Euskal Pilota Federazioaren arabera, Kirola Arbitratzeko Auzitegiaren erabakiak "11 hilabeteko kalumniak itxi ditu"
FIPVk ohar batean adierazi duenez, "Euskal Pilotaren mundu mailako garapen eta batasunaren alde lan egiten jarraituko dugu, erakundeekiko errespetutik eta gure erakundea arautzen duen araudi-esparrutik abiatuta".
Pradales lehendakariak Davoseko Forora egindako bisitaren gakoak
Imanol Pradales lehendakariak Euskadi herrialde egonkor eta erakargarri gisa aurkeztu du munduko ekonomia eta finantza-foro handienean. Lehendakaria Davosera joan da, lehen aldiz Munduko Ekonomia Foroan parte hartzeko. Bertan, munduko lehen mailako ordezkari ekonomiko eta politikoak izango dira.
Zupiria: "Prozesu judizialak atzeratu egiten dira, eta, bitartean, delituak egiten dituztenenek arau-hausteak egiten jarraitzen dute"
Bingen Zupiria Segurtasun sailburuaren iritziz, "Poliziak eta Justiziak azkar erantzungo balute, modu eraginkorragoan helduko liokete arazoari, eta horrek eragiten duen segurtasun-gabezia sentsazioari". "Horregatik da garrantzitsua Espainiako Gobernuak aintzat hartzea Eusko Jaurlaritzak eta eremu judizialak planteatzen dituzten eskaerak, kasu horiei aurre egin behar dieten epaileen kopurua handitzeko, eta lege-aldaketak egitea, beldur handiena sortzen duten delituei dagozkien zigorrak gogortzeko", nabarmendu du.
Pradales: “Etorkizuna irabazteko Davoseko foroan egon beharra daukagu”
Mundua blokeka banarazi nahi duten horien aurrean, "Europara eta Euskadira demokrazia eta askatasunak ekarri zituen gizarte eradua defendatzeko" asmoz hartuko du parte lehendakariak Suitzan egiten ari diren foro ekonomikoan.
KAAk atzera bota du Euskadiko Euskal Pilota Federazioaren ofizialtasunaren aurka Espainiak jarritako helegitea
Kirola Arbitratzeko Auzitegiak erabaki du ez duela eskumenik Euskadiko Federazioa Euskal Pilotaren Nazioarteko Federazioan sartzearen aurka Espainiako Pilota Federazioak aurkeztutako errekurtsoa ebazteko. Ebazpen horren kontra ezin da helegiterik jarri, eta, beraz, auzia bere horretan geratuko da; alegia, euskal pilota federazioak ofiziala izaten jarraituko du.
Accionaren presidentea ez da joan Nafarroako Parlamentuko Ikerketa Batzordera, eta berriro deitu dute
Otsailaren 9an aurkeztu beharko da. Hala ez balitz, delitu bat egin lezakeela gogorarazi du Batzordearen presidenteak.