Frantziako Gobernuak eta Korsikako ordezkariek akordioa itxi dute uharteari autonomia estatutua emateko
Korsikako ordezkariek eta Frantziako Gobernuak akordioa lortu dute uharteari autonomia estatutu bat emateko. Estatutu horrek bere berezitasuna finkatuko du, eta legegintzarako hainbat ahalmen emango dizkio, printzipio hori Frantziako Konstituzioan jasoko delarik.
Gerald Darmanin Frantziako Barne ministroak, Emmanuel Macronen Exekutiboaren aldetik negoziazioak zuzendu dituenak, berretsi du akordioak Errepublikako presidenteak eta berak ezarritako "marra gorriak errespetatzen" dituela.
Darmaninen ahotan, horrek esan nahi du ez dela Korsikako herriaren existentzia onartzen, baizik eta "kultur komunitate" batena. Barne ministroaren ustez, "autonomiarako aurrerapausoa" da eta "ez dago Korsika Errepublikatik bereizterik".
Korsikako Asanbleako gehiengo abertzaleak sinatu du testua, Gilles Simeoni Exekutiboko presidenteak barne.
Simeonik uste du konpromiso hori "urrats erabakigarria" dela, "Konstituzio Kontseiluaren kontrolpeko botere legegilearen printzipioa" ezarri delako. Nolanahi ere, Frantziako Parlamentuak onartutako lege organiko batek zehaztu beharko ditu "botere legegile horren gaitasuna eta gauzatzeko moduak", eta horregatik uste du prozesua "finalerdietan" dagoela eta orain "finalerdia eta finala irabazteko" daudela.
Frantziako Konstituzioaren erreformaren helburua "Errepublikaren barruan Korsikarako autonomia estatutu bat aitortzea izango da, Mediterraneoko uhartetasunari, komunitate historikoari, linguistikoari eta kulturalari lotutako bere interes propioak kontuan hartzen dituena, bere lurrarekin harreman berezia izan baitu".
Barne ministroak gaineratu du Korsikak "berezko botere arauemailea" izango duela, legegintzakoa edo erregelamenduzkoa, Konstituzioan zehaztuko ez diren hainbat eskumenen gainean, baizik eta eskumen horiek definituko dituen lege organiko batean.
Korsikako legegileak edo exekutiboak onartzen dituzten arauek Frantziako "oinarrizko askatasun publikoak" eta haien Konstituzioa errespetatu beharko dituzte, eta hori Estatu Kontseiluak eta Konstituzio Kontseiluak kontrolatuko dute.
Autonomia-estatutuaren proiektu horren inguruko kontsulta egingo zaie korsikarrei, iritzia eman dezaten. Lehenago, Korsikako Asanbleak etorkizuneko autonomia baten eskemari buruz eztabaidatuko eta bozkatuko du hurrengo bilkuran, eta horrek bide emango dio Macroni "negoziazio politiko nazionalak" abiatzeko, Konstituzioaren erreforma bati begira.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.