Jose Antonio Ardanza lehendakaria hil da
Jose Antonio Ardanza lehendakaria hil da, 82 urte zituela, Gautegiz Arteagako bere etxean, Urdaibain. Azken hamarkadetako Euskal Herriko politikagintzan eta batez ere Eusko Alderdi Jeltzalean itzal handiko gizona, lehendakari izan zen 1985 eta 1999 artean eta besteak beste, ezberdinen arteko akordioak bultzatzeagatik gogoratuko da. Ajuria Eneko ituna izan zen horren adibide.
Gaztetatik Euzko Alderdi Jeltzalearen jarraitzaile, Deuston Zuzenbide ikasketak eginda, lege-aholkulari gisa lan egin zuen hainbat urtez Laboral Kutxan.
1979an Arrasateko alkatetzarekin hasi zuen hogei urteko ibilbide politikoa. 1983an Gipuzkoako diputatu nagusi aukeratu zuten eta, 1985ean, EAJren zatiketaren ostean, Karlos Garaikoetxeak lehendakari postua utzi zuenean iritsi zen, Ardanza, lehendakaritzara.
Hamalau urtez izan zen lehendakari —kargu horretan denbora gehien egon den pertsona izan da— eta 1999ko hauteskundeetan erretiratu zen politikako lehen lerrotik.
Ordutik aurrera enpresa munduan murgildu zen, eta, besteak beste, Euskalteleko lehendakari izan zen 2011ra bitartean. Urte horretan argitaratu zuen "Pasión por Euskadi" memoria liburua.
Eusko Jaurlaritzak gaurtik hiru dolu-egun ezarri ditu (osteguneko 15:00ak arte), eta eraikin ofizialetako banderak masta erdian dira jada. Hil-kapera etzi goizean jarriko da Ajuria Enea jauregian (10:00-14:00), eta hileta-elizkizuna, berriz, asteazkenean 19:00etan Elorrioko Sortzez Garbiaren Basilikan izango da. Iñigo Urkullu lehendakariak bihar goizean egingo du adierazpen instituzionala, 09:30ean, Lehendakaritzan.
Heriotzaren berri izan orduko, Iñigo Urkullu lehendakariak bere atsekabea agertu du, eta bakearen eta industria suspertzearen alde egin zuen "atsedenik gabeko lana" goraipatu. Sare-sozialetan idatzitako mezu batean, gogorarazi du "beti Euzko Alderdi Jeltzalearen ordezkari" izan zela, eta kudeaketa lanetan nabarmendu zela, "bai kooperatibetan, bai enpresa munduan".
Bide beretik hitz egin du Juan Jose Ibarretxe lehendakariak ere. Horren hitzetan, Ardanzaren legatua betirako geratuko da Euskal Herrian. "Agur eta ohore", idatzi du X sare-sozialean.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.