PSOEk arnasa hartu duen bitartean, PPk eta Voxek oposiziorik nahi ez izatea leporatu diote Sanchezi
Bost eguneko hausnarketaren ostean, Pedro Sanchezek Espainiako Gobernuko presidente karguan jarraitzeko erabakia iragarri du. Aurreikusi zitekeen bezala, Sanchezen iragarpenak erreakzio soka luzea eragin du.
Alberto Nuñez Feijoo PPko presidentea gogor mintzatu da Espainiako gobernuburuaren aurka, eta adierazi du nahiago izan duela aurrerantz ihes egin dimititzea baino. Are gehiago, gaurkoa buruzagi sozialistak emandako hitzaldien artean "arriskutsuena" izan dela azpimarratu du, "ez duelako ez oposiziorik, ez justiziarik, ezta hedabiderik nahi". Halaber, iragarri du ez duela Sanchezen aurkako zentsura moziorik aurkeztuko.
Santiago Abascal Voxeko liderraren esanetan, Sanchezen agerraldia "disidente guztien aurkako mehatxua" izan da. Are gehiago, Sanchezen erabakiak "batasunaren, elkarbizitzaren, zuzenbide estatuaren, boteren banaketaren eta prentsa askatasunaren aurkako kolpea" berretsi egiten duela uste du. Aurrera begira, "espainiarrei ahalik eta kalte gutxien egiteko" eta "bideragarria" izango den alternatiba bat eraikitzeko lan egingo duela nabarmendu du.
PSOEren baitan pozik hartu dute albistea, eta Santos Cerdan Alderdi Sozialistako Antolakuntza idazkariak azpimarratu du "demokrazia biziberritzeko" lanean jarraituko dutela.
Francina Armengol Diputatuen Kongresuko presidente sozialistak nabarmendu du gaur "demokraziak", "errespetuak" eta "duintasunak" irabazi dutela. Halaber, hausnarketa kolektiboak politika "duintzen" lagunduko duenaren itxaropena azaldu du.
Yolanda Diaz Lan eta Ekonomia Sozialeko ministroa ez ezik, Sumarreko burua ere badenak Espainiako demokrazia gaur "indartsuagoa" dela aldarrikatu du Lan Ministerioan eskaini duen prentsa agerraldian. Horren ustez, "puntu eta bereiz" hori edukiz bete behar da, eta, besteak beste, 'Mozal legea' indargabetzea eta Botere Judizialaren Kontseilu Nagusia berritzea eskatu dio Sanchezi.
Ione Belarra Podemoseko idazkari nagusiak "gerra judizialari eta mediatikoari" legeekin aurre egiteko eskatu dio Sanchezi. "Demokrazia ekintzekin defendatzen da, ez hitzekin", azpimarratu du Podemoseko buruak. Ildo horretan, Belarrak eskua luzatu die PSOEri eta gainerako indar aurrerakoei.
ERCk Diputatuen Kongresuan duen bozeramaile Gabriel Rufianek ohartarazpena egin dio Pedro Sanchezi, esanez Espainiako gobernuburu izaten jarraitzen badu, baina "ezer egin gabe", azken bost egunetako jarduera guztiak "arinkeria" izango direla. Halaber, "X" sare sozialean argitaratutako mezu berean, uko egitea erabaki izan balu "adibide txarra" izango zela adierazi du, ez zelako "dimisioa" izango, "amore ematea" baizik.
Jordi Turull Juntseko idazkari nagusiak Pedro Sanchezi leporatu dio Kataluniako hauteskundeetan esku hartzeko "taktizismoa". "Arduragabekeria larria da sufrimenduaren gaineko emozioak erabiltzea, jazarpen mediatiko bidegabea baita hauteskundeetako taktizismoa egiteko", esan du Argelès-sur-Mer (Ipar Katalunia) hedabideei egindako adierazpen batean.
Zure interesekoa izan daiteke
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.