Rodalies zerbitzuaren arazoak, Kataluniako hauteslekuen irekierako gorabehera bakarra
Ia 6 milioi herritarrek Kataluniako Parlamentuko diputatuak hautatzeko aukera izango dute gaur, eta horiek, ondorengo asteetan, Kataluniako XIV. legegintzaldi autonomikoan, Generalitateko presidentea aukeratuko dute.
135 eserleku daude jokoan gaur: 85 Bartzelonan, 18 Tarragonan, 17 Gironan eta 15 Lleidan.
8.940 mahai izango dira 2.695 hauteslekuetan, eta horiek osatuta, 09:00etan zabaldu dituzte hautetsontziak.
7.300 polizia-agentek (4.300 mosso eta 3.000 tokiko agente) zainduko dute herritarrek botoa "askatasunez" eta "segurtasunez" eman ahal izatea, hauteskundeen "garapen normala" eta hauteskunde-prozesuari lotutako "zibersegurtasuna".
Guztira, 5.754.840 pertsona daude botoa ematera deituta gaur, 2021eko hauteskundeetan baino 130.000 gehiago. Gainera, 243.003 gaztek lehen aldiz bozkatu ahal izango dute, Kataluniako Parlamenturako azken hauteskundeetatik hona egin direlako adinez nagusi.
Laura Vilagra Kataluniako Gobernuko presidenteorde eta Presidentetzako kontseilariak larunbat honetan jakitera eman duenez, 106.031 pertsonak eman dute botoa postaz (erroldaren % 1,95). Atzerrian bizi diren 300.000 herritarrei dagokienez, 24.233k baliatu dute botoa emateko eskubidea, hau da, atzerrian bizi diren katalanen % 8,23k.
Jakinarazpen ofizialak jardunaldian zehar
Kataluniako Gobernuak 10:00etan egingo du lehen agerraldia, hauteslekuen irekiera nola garatu den azaltzeko.
13:15ean emango dituzte parte-hartzearen lehen datuak eta egunaren gorabeheren inguruko xehetasunak, eta 18:15ean eguneratuko dituzte datu horiek.
20:00etan, hauteslekuak itxi, eta botoak zenbatzen hasiko dira. Kataluniako Gobernuak aurreikusitakoaren arabera, 22:30erako zenbatuko dituzte boto guztiak.
Berrikuntza gisa, aurten hautesleku guztietan tableta bat izango dute mahai bakoitzean, datuen berri zuzenean eta azkar eman ahal izateko. Gainera, akten argazkiak egin ahal izango dituzte, eta Adimen Artifiziala baliatuta, argazki horietan ikusten diren datuak mahai bakoitzak bidalitako zenbaketa-datuekin alderatuko dira; horrek bidalketan egon daitezkeen akatsak detektatzea erraztuko du.
Denbora errealean jarraitu ahal izango dira hauteskundeetako datuak, Eleccions Catalunya 2024 aplikazioaren bidez. Aplikazio horrek parte-hartzeari buruzko datuak eta hautagaitzen emaitzak eskainiko ditu, eta 2021eko datuekin alderatzeko aukera emango du.
Kataluniako datu orokorrak (barrutietako, eskualdeetako eta udalerritako datuak) emateaz gain, hautesleku bakoitzeko informazio zuzena emango dute aurrenekoz.
Vilagrak azaldu duenez, datu xeheagoak izateak erraztu egingo du kontaketan dantzan egon daitezkeen eserleku horien jarraipena egitea.
64 hautagaitza aukeran
64 hautagai-zerrenda aurkeztu dira hauteskundeetara, Kataluniako Generalitateko Aldizkari Ofizialak argitaratu zuenez. Zehazki, hauteskunde-batzordeek 16 hautagaitza onartu dituzte Bartzelonan, 15 Gironan eta 15 Lleidan; Tarragonan, berriz, 18.
Kataluniako hauteskunde-kanpaina ostiralean amaitu zen, eta kanpainan zehar argitaratu diren inkestek, oro har, Salvador Illa PSCko hautagaia jo dute faborito. Alderdi independentisten artean, Juntsen eta ERCren arteko lehia espero da, nahiz eta galdeketa gehienek Carles Puigdemonten (Junts) hautagaitzari ematen dioten abantaila.
Rodalies zerbitzuko arazoak
Hauteslekuak ireki baino ordu batzuk lehentxeago, kobre lapurreta bat izan da Rodalies zerbitzuaren tren azpiegituran. Adifek jakinarazi du ezin duela zehaztu noiz itzuliko den normaltasuna trenen trafikora.
Montcada Bifurcacio eremuan "gehiegizko tentsioa" egotea eragin du kobrearen lapurretak, eta etenaldiak izaten ari dira Kataluniako Rodaliesen linea guztietan.
Renfek jakinarazi duenez, "egoera honetan ez da posible trenen zirkulazioa bermatzea, eta beste garraiobide batzuk erabiltzea gomendatzen da".
Gertakari horrek eragotzi egiten du Bartzelonako tuneletako zirkulazioa, eta iparraldeko eta hegoaldeko zerbitzuen konexioa ezinezkoa da.
Arazoak ez dio AVEri eragiten, ezta ibilbide luzeko trenei ere, beste trenbide batzuk (ohiko zabalerakoak) erabiltzen baitituzte.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.