Junquerasek presioak ukatu ditu eta "militantziaren babesa" bilatuko du ERCren burua izaten jarraitzeko
Hauteskunde porrotaren ostean behin-behineko dimisioa idatziz iragarri ostean, Oriol Junquerasek "militantziaren babesa" bilatuko duela alderdia zuzentzen jarraitzeko, eta azaroaren 30ean ERCk egitekoa duen Kongresu Nazionalari begira. Era berean, kargua uzteko presiorik jaso ez duela nabarmendu du.
Bartzelonan egindako agerraldi batean, buruzagi ezkertiarrak esan du "gogotsu eta baliagarri" ikusten duela bere burua alderdia gidatzen jarraitzeko, baina horretarako "militantziaren babes argi eta berritua" behar duela.
"Jendearekin berriro konektatzeko entzunaldia egin behar da", erantsi du. Azpimarratu duenez, "kalera irtetzeko beharra dut, jendearekin hitz egitekoa. Atez ate, aurrez aurre. Proiektu partekatu bat berreraikitzea da asmoa".
"Ez dut presarik, baina ez diot ezeri muzin egin nahi alderdiaren eta herrialdearen alde egiteko orduan", argitu du.
ERCk zuzendaritza nagusiak lau ordu pasatxo bilera egin zuen atzo eta azaroaren amaieran kongresua egitea adostu. Hain justu, data hori jarri du ortzi mugan Junquerasek. Ingurumari horretan, erbestean den Marta Rovira ERCren idazkari nagusiak iragarri du ez dela idazkari nagusi kargura berriro aurkeztuko.
Junqueras kargu publikoan jarduteko baliogabetuta dago oraindik, amnistia legea indarrean noiz sartuko zain —Kongresuak behin betiko onartzea falta da—.
Kataluniako presidente berria aukeratzeko inbestidurari buruz galdetuta, Junquerasek erantzun du alderdiko "dagokion organoek" hartzen dituztela halako erabakiak. Salatu du aurreko legealdian Aragonesen gobernua "behin eta berriro trabatzeko eginahalak" egin dituztela PSCk, Juntsek eta Comunsek, eta euren arteko akordio bat ixteko deia egin die.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.