Errudun jo dute Egoitz Urrutikoetxea, baina ez du espetxera joan beharko
Parisko Dei Auzitegiak gaur jakinarazi du Egoitz Urrutikoetxeak zain zuen epaia, eta ETAko kidea izateaz errudun jo badu ere, ez du espetxe zigorrik bete beharko. Konforme agertu da Urrutikoetxea eta ez du helegiterik aurkeztuko.
Apirilaren 25en epaitu zuten azkenekoz Urrutikoetxea, 2005ean ETAri Vichy herrian etxebizitza bat alokatzea leporatzen zioten. Epaituak berak onartu zuen dokumentazio faltsua erabili zuela Vichyko apartamentua eta aparkaleku bat alokatzeko, ETAk hala eskatu ziolako. Hala ere, azpimarratu zuen erakunde armatuaren eta Espainiako Gobernuaren artean martxan ziren negoziazioen testuinguruan kokatu zuen akusatuak alokairu hori, ETAko kideak biltzeko toki bat behar zutelako nogoziaketa horiek prestatzeko.
Urrutikoetxeak horiek onartu bai, baina erakundeko kide izatea ukatu zuen, baita inoiz klandestinitatean ibili izana ere.
Pisu hartatik "pare bat aldiz" pasa zela azaldu zuen, baina inoiz ez zuela jakin zergatik utzi uzten erakundeko kideek hara joateari.
Fiskaltzak, ordea, "lotura egonkortuak" ikusi zituen akusatuaren eta, bera bezela, pisu horretatik behin baino gehiagotan pasa ziren erakundeko beste kide batzuen artean, ETAko kide izateagatik zigortutakoak horiek, eta honetan arrazoi eman dio epaileak fiskalari.
Leporatzen zitzaizkion delituak duela 19 urte gertatu zirela eta gaur egun erabat bergizarteratuta dagoela aintzat hartuta, fiskalak bi urteko zigorra eskatu zuen Urrutikoetxearentzat, espetxera joan beharrik ez izateko baldintza batekin: deliturik ez errepikatzea.
Zigorrik jasotzetik libre, Urrutikoetxeak ez dauka auzirik zabalik Frantziako Justiziarekin.
Egoitz Urrutikoetxeak 50 urte beteko ditu ekainean, eta frantziar nazionalitatea du. Hainbat urtez egon ziren haren bila, atxilotzeko, eta 2015eko urriaren 6an Saint Denisen atxilotu zuten arte, Parisko kanpoaldeko hiri batean. Bertan bizi zen, bere benetako izen-abizenekin.
Hori baino lehen, hiru aldiz kondenatu zuten auzi-ihesean, ETAko kide izateagatik. Baina bere eskubidea zenez, bera aurrean zela epaiketak errepikatzeko eskatu zuen, eta epai horiek baliogabetu egin ziren.
2021eko azaroan bi urteko kartzela-zigorra ezarri zioten, ez ETAko kide izategatik, 2003tik 2005era ordunean jardunean zen erakundeko kideekin lotura izateagatik baizik, eta, zehazki, "goi-mailako kideekin", batez ere aparatu militarrekoekin.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatuz, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.