Euskarak Europan ofiziala izateko baldintzak betetzen dituela dioen txosten bat igorri dio Jaurlaritzak EBri
Euskararen egungo egoerari buruzko txosten bat bidali dio Eusko Jaurlaritzak Europar Batasunari, euskarak Europan ofiziala izateko baldintzak betetzen dituela argudiatuz; hala, EAEn egun euskarak dituen baliabideak, azpiegiturak eta gaitasunak xehetzen dira agirian. 2022an Irlandako gaelikoaren ofizialtasunerako erabili ziren aurrebaldintzak oinarri hartuta osatu du dokumentua Kultura eta Hizkuntza Politika Sailak.
Halaber, joan den hilean beste eskari formal bat igorri zuen Jaurlaritzak Europara, Euskalterm euskararen datu terminologikoen bankua IATE (Europarako Terminologia Interaktiboa) plataformarekin lotu dezatela eskatuz.
Olatz Garamendi (Gobernantza Publiko eta Autogobernu Saila) eta Bingen Zupiria (Kultura eta Hizkuntza Politika Saila) sailburuek izenpetu dituzte izapideok, eta azaldu dutenez, Espainiako Gobernura eta Europako beste hainbat erakundetara ere bidali dituzte eskariak.
Jaurlaritzaren arabera, "jarduera horiek EBko Ministroen Kontseiluaren esparruan iaztik egiten ari diren urratsen eta EBko erakundeetan euskararen, katalanaren eta galizieraren erabilerari buruz 2005ean lortutako akordioen barruan kokatzen dira".
"Urrats gehiago dira euskal erakundeek Europar Batasunean euskararen ofizialtasunean jarraitu beharreko ibilbidean. Euskararen aitortzak Europar Batasunaren etorkizunerako bidea markatuko luke, non aniztasuna nortasun ikur izan behar den. Ildo horretan, lanean jarraituko du euskararen ofizialtasuna errealitate izan dadin ekainaren 9ko hauteskundeen ondoren osatuko den Europako Parlamentu berrian", gehitu Jaurlaritzak.
Albiste gehiago politika
Abalosek eta Koldok Gorenean deklaratuko dute gaur, ustez obra publikoetan eskupekoak kobratzeagatik
Auzitegi Goreneko epaileak Jose Luis Abalos ministro ohia eta Koldo Garcia aholkulari ohia galdekatu ditu Garraio ministro izan zen garaian obra publikoaren ustezko esleipen irregularren auzian. Ikerketak funtzionario-eroskeria, antolakuntza kriminala eta influentzia-trafikoa delituak izan daitezkeela dio, eta kautelazko neurri berriak ekar litzakeela.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.