BJKN-k "neurriz" jokatzeko eskatu dio Sanchezi, Begoña Gomezen auzipetzearen inguruko gutunaren harira
Espainiako Botere Judizialaren Kontseilu Nagusiak aho batez onartu du adierazpen bat Pedro Sanchez Espainiako Gobernuko presidenteak Begoña Gomezen auzipetzearen inguruan argitaratu zuen gutunaren harira, eta erabaki judizial horrek "guztion errespetu osoa" merezi duela azpimarratu du.
"Neurriz jokatzeko eskatzen dugu berriro, eta saihets daitezela erakundeak kaltetzen dituzten iradokizunak", azaldu dute adierazpen instituzionalean.
Sare sozialetan zabaldutako bigarren gutunean, Sanchezek zioen "arraroa" zela Europako hauteskundeetarako bost egunen faltan bere emaztea ikertu gisa deklaratzera deitzea, eta PPri eta Voxi egotzi zien ekainaren 9ko emaitzetan eskua sartu nahi izatea.
BJKNren batzorde iraunkorrak premiazko batzarra egitea erabaki zuen Sanchezi erantzuteko, eta batzordekide kontserbadoreek adierazpen gogorragoa nahi bazuten ere, gainerakoak aurrerakoiak direnez, presidentea barne, jakina zen adierazpena orokorragoa izango zela eta independentzia judiziala eta epaileen eta epaitegien erabakiak errespetatzeko eskaerara mugatuko zela.
Adierazpenean azpimarratu dutenez, "beste behin ere gogorarazi behar dugu erabaki judizialek, ados ez daudenen kritika neurritsua eta arrazionala jaso dezaketen arren, guztion erabateko errespetua merezi dutela eta, batez ere, erakundeen buru direnena, salbuespenik gabe".
Juan Carlos Peinado Madrilgo 41. Instrukzio Auzitegiko epailea aipatu gabe, Batzordeak argi utzi du epaileek euren lana egiteko "segurtasuna" izan behar dutela.
Sanchezek ez ezik, Pilar Alegria Espainiako Gobernuaren bozeramaileak ere esan zuen "harrituta" zegoela Sanchezen emaztearen auzipetzea kanpainan iritsi zelako.
Fernando Grande-Marlaska Barne ministroak ere "erabateko harridura" agertu zuen epailearen jokabidearen aurrean.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.