Sanchezek "amarrutzat" jo du emaztearen aurkako auzia, eta epaileak orain deitzea "bitxia" dela uste du
Pedro Sanchez Espainiako Gobernuko presidentearen ustez, "arraroa" da epaileak gaur, Europako hauteskundeetarako bost egun falta direnean, Begoña Gomez emaztea ikertu gisa deklaratzera deitzea. "Salaketa honen atzean ez dago ezer, salaketa jarri duten elkarte ultraeskuindarrek bultzatutako amarrua besterik ez", gaineratu du.
Herritarrei bidalitako gutun berri batean, Sanchezek esan du bera eta haren emaztea lasai daudela, epaileak Begoña Gomez ikertu gisa uztailaren 5ean deklaratzera deitu ostean, ustelkeria eta eragimen-trafikoko ustezko delituengatik irekitako auzian.
Buruzagiak azpimarratu du legealdia amaitu arte Gobernuaren buru izaten jarraitzeko erabakia "inoiz baino irmoagoa" dela.
Gobernuburuaren ustez, "arraroa" da emazteari hitzordua gaur jakinarazi izana, Europako Parlamenturako hauteskundeak egin baino bost egun lehenago.
Horri buruz, nabarmendu du beti jarraitu izan dela idatzi gabeko arau bat, kanpaina baten bilakaera eta herritarren botoa baldintza dezaketen ebazpenak ez ematekoa, eta, horregatik, argi ikusten du oraingoan ez dela errespetatu, baina ez du erabaki hori baloratu, eta herritarrek beren ondorioak ateratzea nahiago duela adierazi du.
Gobernuburuak azaldu duenez, gaur komunikabideen bidez ezagutu dute epailearen erabakia, eta honako hau esan du: "Biok guztiz lasai gaude. Salaketa horren atzean ez dago ezer, salaketa jarri zuten elkarte ultraeskuindarrek bultzatutako amarrua besterik ez".
Irakurketa politikoa
Baina irakurketa politikoa egin du, eta gogorarazi du aurreko gutunean, "Feijoo jauna eta Abascal jauna buru zituen koalizio erreakzionarioa" salatu zuela, eta Gobernuaren buru jarraitzea merezi ote zuen hausnartzeko egun batzuk hartu zituela.
Hauteskundeak baldintzatu eta Gobernua ahultzen saiatzea leporatu die Espainiako Gobernuko presidenteak Feijoori eta Abascali.
Saiakera horren aurrean, biek "hautestontzietan merezi duten erantzuna" aurkitzea eskatu du Sanchezek: "euren amarrukeria errefusatzea eta gaitzestea". "Zalantzarik ez izan, ez naute makurraraziko", adierazi du Sanchezek bere gutunean.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.