Frantziako ezkerreko alderdiek "Fronte Popular berri bat" osatzeko akordioa itxi dute
Ezkerreko alderdi nagusiak akordio batera iritsi dira azkenean, Frantzian, eskuin muturraren gorakadari aurre egiteko eta hurrengo hauteskundeetan, ekainaren 30ean eta uztailaren 7an, makronismoari lekua kentzeko.
Gauzak horrela, Frantzia Intsumisoak, Alderdi Sozialistak, ekologistek eta Alderdi Komunistak jarrerak hurbiltzea lortu dute denbora errekorrean, aste hasieran "Fronte Popularra" osatzeko asmoa iragarri ostean. Euskal Herria Bai (EH Bai) prest agertu zen iragan astelehenean "historikotzat" jo duen fronte horretan parte hartzeko. "Ezkerreko indar guziak batzen dituen fronte herrikoiaren osaketa txalotzen dugu", adierazi zuen Ipar Euskal Herriko koalizio subiranistak.
"Frantziako barrutietan gobernu programa eta hautagaitza bakarrekin, Fronte Popularra osatu duten indar politikoak frantziarrekin bat egingo dute ekainaren 30ean eta uztailaren 7an", ondorioztatu du Alderdi Sozialistak sare sozialetan zabaldutako ohar batean.
Aliantza horren helburua "haustura programa bat aurrera eramatea da, sozial eta ekologikoa, alternatiba bat eraikitzeko eta eskuin muturraren proiektu arrazistari aurre egiteko".
François Hollande presidente ohi sozialista pozik agertu da akordioarekin; izan ere, "ezkerra bat egitera behartuta dago", eskuin muturra geldiarazteko helburuarekin.
"Askapenetik (nazien okupaziotik, 1944/45) eskuin muturra ez da inoiz boterera iristetik hain gertu egon", ohartarazi du Hollandek TF1 telebistan egindako elkarrizketan.
Horrek "arriskua sortzen du", eta "ez da arazoa Frantziarentzat bakarrik, Frantziaren irudiarentzat eta Frantziak Europan egin ditzakeen proposamenentzat baizik", azpimarratu du. "Eskuin muturra Frantziako agintera ez iristeko ahal dugun guztia egin behar dugu", errepikatu du Hollandek.
Batasunak Fronte Popularraren izena hartzen du, 1935ean ezkerreko hainbat alderdik Europan faxismoaren hedapenari erantzuteko osatutako koalizioa, 1936ko hauteskundeetan Diputatuen Ganberan gehiengo absolutua lortu zuena, 1938an desagertu zen arren.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.