Gipuzkoako Aldundiak "berrikuntza politikoan jauzia" egingo du, erronka sozial eta ekonomikoei erantzuteko
"Berrikuntza politikoan jauzi bat emango dugu, desafio sozial eta ekonomiko emergenteei lankidetzan erantzutea helburu". Hitzok erabili ditu Eider Mendoza Gipuzkoako diputatu nagusiak foru erakundearen 2024-2027 Plan Estrategikoaren aurkezpenean, Hernaniko Chillida Lekun.
Mendozaren hitzetan, planaren xede nagusia ondorengoa da: "pertsona guztien ongizate integrala bilatzea, hori da gure lana gidatzen ari den koordenatu nagusia". Foru Aldundiak ezarritako bide-orri estrategikoak "bulkada berritzailea" dakarrela gehitu du, "desafio sozial eta ekonomiko emergenteen aurrean erantzun berriak eta partekatuak jorratzeko bidea zabaltzen duelako".
Datozen urteotan eman nahi duten jauzi politikoa egiteko, "lau zutabe nagusitan" eragiteko asmoa du Aldundiak. Lehenik, "pertsona orori kalitatezko zaintza eta babesa bermatzea" izango da helburuetako bat, gizarte zerbitzuek eskaintzen duten arretaren "pertsonalizazioan, berrikuntzan eta komunitatearen partaidetzan" urrats berriak emanez.
Bigarren ardatza, berriz, ekonomia lehiakorra eta berritzailea garatzen jarraitzea da, industria sektore berriak sustatuz, pertsonentzat eta enpresentzat aukerak sortzen dituen lurraldea izateko, proiektu erakargarrietan parte hartu eta hazten segitzeko".
Aldaketa klimatikoaren eragina murrizteko neurriak kokatu ditu Mendozak hirugarren zutabean. "Gipuzkoa jasangarria, berdea, erresilientea, orekatua, kohesionatua eta interkonektatuaren alde egitea".
Eta, azkenik, Gipuzkoa "demokratiko, bidezko eta arduratsu bat eraikitzen jarraitzeko" konpromisoa agertu du, lankidetzazko gobernantzan sakonduz.
Lau zutabe horietatik abiatuz, 2024-2027 tarterako egitasmoak 118 ekintza lerro ezartzen ditu datozen urteetarako.
Aurkezpenean izan dira, besteak beste, Bingen Zupiria eta Arantxa Tapia Eusko Jaurlaritzako jarduneko sailburuak, eta baita, gizarteko hainbat alorretako ordezkaritza zabala ere.
Zure interesekoa izan daiteke
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.