Sailburu berriak astearte honetan jabetuko dira karguaz
Imanol Pradales lehendakariaren Eusko Jaurlaritza berria osatuko duten sailburuak astearte honetan, ekainaren 25ean, jabetuko dira kargu berriaz, Gasteizko Ajuria Enea jauregian izango den ekitaldi ofizialean.
Gobernu Kontseiluaren lehenengo bilera astearte honetan izango da, Sailburu berriak euren karguaz jabetu ondoren
Pradalesen Gobernuko sailak kudeatuko dituzten 15 gizonek eta emakumeek ohiko formula erabiliko omen dute, Gernikako Estatutuaren ale baten gainean eskua jarrita.
Bigarren lehendakariorde
Bestalde, Portugaleteko alkate den Mikel Torres sozialistak bere azken osoko bilkuran parte hartuko du astelehen honetan. Bertan, alkatea karguari uko egingo dio Imanol Pradales buru duen Eusko Jaurlaritzako bigarrenlehendakariorde izateko.
Maria Jose Blancok ordezkatuko du Torres, eta jarduneko alkate izango da PSE-EEk alkate berria izendatu arte.
Ekitaldi solemnea
Ibone Bengoetxea Otaolea (Bilbo, 1967) lehen lehendakariordea izango da. Horrez gain, Kultura eta Hizkuntza Politika saila zuzenduko du.
Mikel Torres Lorenzo (Portugalete, 1970) izango da bigarren lehendakariordea. Ekonomia, Lan eta Enplegu Sailaren ardura izango du.
Noël d´Anjou Olaizola (Irun, 1975) ere gobernu berriko kide izango da. Ogasun eta Finantza Saila gidatuko du irundarrak.
Maria Ubarrechena Cid (Urretxu, 1980) izango da Jaurlaritzaren bozeramailea. Gobernantza, Administrazio digital eta Autogobernu sailburua ere izango da.
Mikel Jauregi Letemendiak (Zarautz, 1974) Industria, Trantsizio energetikoa eta Jasangarritasuna zuzenduko ditu.
Bingen Zupiria Gorostidik (Hernani, 1961) gobernuan jarraituko du baina Kulturako buru izatetik Segurtasun sailburu izatera igaroko da.
Begoña Pedrosa Lobatok (Areatza, 1975) zuzenduko du Hezkuntza saila hemendik aurrera.
Denis Itxaso Gonzalezen (Donostia, 1975) ardurapean izango da Etxebizitza eta Hiri Agenda sailburutza.
Alberto Martinez Ruiz (Trapagaran, 1964) izango da Osasun sailburu berria.
Nerea Melgosa Vegak (Gasteiz, 1970) Ongizate, Gazteria eta Erronka Demografikoaren saila zuzenduko du.
Susana Garcia Chueca (Donostia, 1969) Mugikortasun Jasangarrirako sailburua izango da.
Juan Ignacio Iñako Perez Iglesiasen (Salamanca, 1960) esku egongo da Zientza, Unibertsitate eta Berrikuntza Saila
Javier Hurtado Dominguez (Madrid, 1981) Turismo, Merkataritza eta Kontsumo sailburua izango da berriz ere.
Amaia Barredo Martinek (Donostia, 1970) Elikadura, Landa Garapena eta Arrantza Saila zuzenduko du.
Maria Jesus San Jose Lopezek (Sestao, 1966) Justizia eta Giza Eskubideen Saila zuzenduko du.
Zure interesekoa izan daiteke
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.
Pardo de Verak deklaratu du Aldama Garraio Ministerioan noiznahi ikusten zuela atzera eta aurrera
Auzitegi Gorenean egin duen deklarazioan, Adifeko presidente ohiak ukatu egin du inolako presiorik jasan izana musukoak erosteko edo inor entxufatzeko.
Asironek esan du Aranzadiko etxegabetuei Udalak "behin behineko" irtenbidea eman ahal diela
Joseba Asiron Iruñeko alkateak Aranzadiko eraikina hustea beharrezkoa zela defendatu du, arrazoi humanitarioak eta segurtasun arrazoiak direla eta. Ziurtatu du aterperik gabe geratu diren 98 lagunen kasuak banan-banan aztertzen ari direla, behin-behineko irtenbidea emateko. Udalak behin betiko irtenbiderik ezin duela eskaini esan du, ez duelako horretarako eskumenik. "Irtenbidea erregularizazioa da".
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Enplegu Publikoaren Legea eztabaidatzeko epea bi aste luzatzea onartu du Eusko Legebiltzarreko Mahaiak
EAJk eskatu du epea luzatzea, negoziaziorako "denbora gehiago behar" duela eta. Jeltzaleek esan dutenez, akordio "errealista" bilatuko du, batzuen "maximalismoaren" eta besteen "immobilismoaren" aurrean. EH Bilduk, berriz, dio borondatea dela behar dela, ez denbora.
Sanchez, Begoña Gomezen auzipetzeari buruz: "Ziur nago, denborak jarriko du bakoitza dagokion tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.