Aldaketak Arabako eta Gipuzkoako foru gobernuetan, Barredok eta Ubarretxenak Jaurlaritzara alde egin ondoren
Nekazaritza ingeniari eta Dulantziko Udaleko zinegotzi Noemi Aguirre izango da Arabako Nekazaritza diputatu berria, eta Amaia Barredo ordezkatuko du, Eusko Jaurlaritzako Elikadura, Landa Garapen eta Arrantza sailburu izendatu berria. Bestalde, Felix Urkola (Tolosa, 1970) izango da Gipuzkoako Bide Azpiegituretako eta Lurralde Estrategiako diputatu berria, Eider Mendoza diputatu nagusiak ostegunean gauzatuko duen izendapena.
Orain arte diputatu nagusiaren kabineteburu zenak -2019tik betetzen zuen ardura hori-, Maria Ubarretxenaren lekukoa hartuko du bere nomenklaturan eta funtzioetan berritzen den sailean, udalekiko eta eskualdeko erakundeekiko harremana hartuko baitu bere baitan aurrerantzean, eginkizun horiek indartzeko asmoarekin.
Arabako kasuan, Ramiro Gonzalez ahaldun nagusiak bi dekretu sinatuko ditu ostiralean, bere kabinetearen egitura aldatzeko eta Nekazaritza diputatu berria izendatzeko.
Nekazaritzako atal espezifiko bat sortzea
Lehenengo aldaketa nekazaritzako alor espezifiko bat sortzea da, Eusko Jaurlaritzako Sail homologoarekin batera lan egingo duena, sektoreak herri-administrazioaren arreta berezia behar duen une honetan, Arabako Foru Aldundiak azaldu duenez.
Noemi Aguirrek (Dulantzi, 1976) hartuko du kargua, Nafarroako Unibertsitate Publikoko ingeniari agronomoa eta zentro bereko Agroekologia eta Landa Garapeneko unibertsitate-aditua. Nekazaritza diputatu berria karguaz jabetzeko ekitaldia datorren astelehenean izango da, uztailaren 1ean, Foru Jauregian.
Foru Gobernuaren berregituraketak eragina izango du egungo Ekonomia Garapen eta Berrikuntza Departamentuan, Saray Zarate diputatuak zuzenduta, zeinak jasangarritasun eta trantsizio energetiko eskuduntzak bere gain hartuko ditu. Departamentuak Ekonomia Garapen eta Jasangarritasuna izena hartuko du.
Noemi Aguirre, lehen sektoreari lotutako profila
2021az geroztik, Aguirrek Lursare Ekosistemas enpresan dihardu lanean. Aholkularitza-enpresa horrek bere jaioterrian du egoitza, eta nekazaritza-ekologiko, lurzoruen birsorkuntza, nekazaritza eta abeltzaintzan espezializatuta dago.
Aurretik, Abere kooperatiban lan egin zuen, abeltzaintzako azpiproduktuak kudeatzeko teknikari gisa. Arabako abeltzainei aholkularitza teknikoa eta ingurumenekoa eman zien, besteak beste.
Arabako Erremolatxa Ekoizleen Elkartean (AIRA) eta Nafarroako San Frantzisko Xabier upeltegi kooperatiboan ere landa teknikari gisa lan egin du.
Dulantziko Udalean zinegotzia 2019tik, Aguirre izan zen EAJren alkategaia 2023ko udal hauteskundeetan. Zerrenda bozkatuena izan zen bozetan.
Bestalde, Urkolari arlo berria ez zaio arrotz suertatuko, Plangintzako eta Kudeaketako zuzendaria izan baitzen Bide Azpiegituretako departamentuan 2007-2011 legealdian. Era berean, Lazkaoko alkate izan zen 1999 eta 2007 artean, eta 2015 eta 2019 artean, eta udalerri bereko zinegotzi 2007 eta 2015 artean. Zuzenbidean lizentziatua da EHUn, eta graduondoko diplomatua Herri Administrazioetan (EHU eta IVAP).
Felix Urkolaren lekukoa Maria Belokik (Donostia, 1992) hartuko du diputatu nagusiaren kabineteko buruzagitzan. Komunikazioan graduatua Deustuko Unibertsitatean, 2019tik Zaintza eta Gizarte Politiketako Sailaren kabinetearen ardura izan du, sozializazio eta komunikazio estrategiaren buru izanik.
Zure interesekoa izan daiteke
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.