Adingabe migratzaileen banaketak PP-Vox harremana eta bien arteko koalizio gobernuak tenkatu ditu
PPk ez die jaramonik egin, oraingoz, Vox alderdi ultraeskuindarrak koalizio gobernuak hausteko egindako mehatxuei, bidaiderik gabeko adingabe migratzaileen banaketa erkidegoen artean egitea onartzen badu, eta, atzerritartasun legea aldatzearen alde egingo duen ala ez argitu ez duen arren, harrera solidarioa defendatu du, betiere finantziazio nahikoa baldin badago.
Hala adierazi du Borja Semper PPko bozeramaileak Tenerifen asteazken honetan egingo den Gazteen eta Haurren Konferentzia Sektorialaren harira. Bertan, lurraldeen "gaitasunekin bat datorren banaketa sistema adostea eta ez inposatzea" eskatu dio Espainiako Gobernuari.
Semperren hitzetan, PPren presidente guztiek "harrera lurraldeak gidatzen dituzte eta solidarioak dira", baina "inork ezin die eskatu daukatena baino gehiago eskaintzea".
"Voxek aldarrikatzen duen moduan adingabeei jaramonik ez egitearen eta Espainiako Gobernuak eskatzen duen guztiari baiezkoa ematearen artean, PPk defendatzen duen laguntza- eta elkartasun-sistema bat dago, baliabideak eta bitartekoak izan behar dituen sistema bat. Elkartasuna eskaintzen dugu, bai, baina bitartekoak eskatzen ditugu", azpimarratu du Semperrek.
Voxen adierazpenei dagokienez, Semperrek errefusatu egin ditu. "Alberto Nuñez Feijoorekin mehatxuek eta xantaiek ez dutela funtzionatzen", azpimarratu du.
Santiago Abascal Voxeko buruak atzo esandakoa berretsi du gaur, "apurtzea haustea" dela argi utzita; beraz, Espainiako Gobernuaren "presioari" amore ematen badiote eta erkidegoen araberako banaketa onartzen badute, gutxiengoan gobernatzera edo PSOErekin adostera behartuta egongo dira.
Hala ere, PPko presidenteek ere garrantzia kendu diete Voxen abisuei. Ultraeskuineko bazkideen hitzei entzungor egin diete, eta finantziazio gehiago eskatu dute Aragoiko, Gaztela eta Leongo eta Extremadurako buruzagiek.
Hain zuzen ere, Jorge Azcon Aragoiko presidenteak esan du ez duela gai horren inguruan "mehatxurik" onartuko, baina Espainiako Gobernuaren laguntza finantzarioaren beharra azpimarratu du.
Ultraeskuinarekin hausteko eskatu dio Espainiako Gobernuak PPri
Bien bitartean, Espainiako Gobernuak berretsi du Kanarietako egoera kritikoari irtenbidea emango dion gazteen banaketa orekatua lortzeko aukera bideragarri bakarra legea aldatzea dela. Horretarako, funtsezkoa da PPren babesa, Gobernuak ez baitu babes nahikorik.
Pilar Alegria bozeramaileak PPri eskatu dio, Ministroen Kontseiluaren osteko prentsaurrekoan, "ikuspegi zabala" izan eta arduraz joka dezala asteazken honetako bileran, "aukera bikaina delako ultraeskuinarekin hausteko".
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.