LABekin eta CCOOrekin bilduko da lehendakaria gaur, eragile sozialekin egiten ari den bilerekin jarraitzeko
Imanol Pradales lehendakariak eragile sozialekin hasitako bilera-sortarekin jarraituko du astelehen honetan eta LAB eta CCOO sindikatuekin bilduko da goiz partean.
LABen txanda izango da aurrena, 10:00etatik aurrera, eta bertan izango dira Garbiñe Aranburu sindikatuko koordinatzaile nagusia eta Xabier Ugartemendia sindikatuko Zerbitzu Publikoetako arduraduna.
Zerbitzu publikoak duinago egiteko eta soldatak hobetzeko "premia" helaraziko diote Pradalesi, sindikatuak aurreratu duenez, eta, zehazki, 1600 euroko gutxieneko soldata ezartzeko proposamena egingo du LABek.
Bilera horren ostean, Pradales Loli Garcia buru duen CCOO sindikatuarekin bilduko da 12:00etatik aurrera. Sindikatuak dagoeneko aurreratu duenez, lan-gatazkaren "narratiba kriminalizatzailea" saihesteko eta agenda soziala lehenesteko galdegingo dio lehendakariari.
Bertan izango dira sindikatuko idazkari nagusia eta Iñigo Garduño, arlo publikoko koordinatzaile eta Osasun Federazioko idazkari nagusia, eta hitzarmen autonomikoak defendatzeaz gain, eredu produktibo berri bat ezartzeko, sisteman hobekuntzak negoziatzeko Osakidetzako mahai sektoriala berreskuratzeko, etxebizitzaren arazoaren aurrean premiazko neurriak hartzeko eta fiskalitate berri bat diseinatzeko beharra azpimarratuko dute.
Pradales joan den ostiralean hasi zen EAEn ordezkaritza handiena duten sindikatuekin batzartzen. Alderdi politikoekin eta osasun arloko sindikatuekin eta elkargo profesionalekin hitz egin ondoren, ELA izan zen sindikatu nagusien artean Ajuria Enera deitutako aurrena, Euskadin gehiengoa duen sindikatua.
Hamaika urteren ostean bildu zen atzera ELA Eusko Jaurlaritzako lehendakari batekin; izan ere, azken bilera 2013an izan zen Iñigo Urkullurekin.
UGT Euskadirekin biltzeko data ez dute oraindik zehaztu eta Pradalesen eta Confebasken arteko bilera uztailaren 24rako dago aurreikusita.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.