ELAk kezka helarazi dio Pradalesi, Jaurlaritza berriari "ildo kontinuista" ikusten diolako
"ELAren eta lehendakariaren arteko harremana berreskuratu da, Urkulluk sindikatuarekin biltzeari uko egin zionetik ez baita harremanik izan. Normalizatzera etorri gara normala izan behar duena: hau da, lehendakariaren eta lehendabiziko sindikatuaren arteko beharrezko harremana". Hitzokin abiatu du Mitxel Lakuntza ELAko idazkari nagusiak Imanol Pradales lehendakariarekin gaur izan duen batzarraren ondorengo agerraldia. Amaia Muñoa ELAko idazkari nagusiaren ondokoa eta biak izan dira gaur Ajuria Enean, lehendakariak sindikatuekin abiatu duen bilera sortari hasiera emanez.
Hasteko, Lakuntzak azaldu duenez, "lehendakariari gure prestutasuna azaldu diogu aldebiko harremanak kontsolidatzeko, lan egiteko eta balizko akordioak lortzeko". "15 arlotako proposamenak biltzen dituen dokumentu bat helarazi diogu, neurri zehatzekin. Gogorarazi diogu hemen benetan erabakigarria direnak erabakiak eta ekintzak direla", esan du.
Hala, "kezka" ere helarazi dio ELAk Pradalesi, Eusko Jaurlaritza berriak orain arte iragarritako edukiei "ildo kontinuista" ikusten diotelako, eta EAJ eta PSE-EE alderdien arteko programa-akordioa aipatu du horren erakusgarri. "Ez dugu ikusten aldaketa sakonik egiteko asmorik, borondate kontinuista ikusten dugu, edukiei buruz ari garenean", esan du.
Horrela, "norabide aldaketa" eta "sakoneko politikak aldatzeko" eskatu ditu ELAk gaurko batzarrean, tartean, "inbertsioak handitzea Osakidetzan eta Hezkuntzan". Horretarako, ezinbestekoa da erreforma fiskala, Lakuntzaren iritzian.
Agertokia aldatzen ez bada, eta eguneroko arazoek "bere horretan jarraitzen duten bitartean", sindikatuak "langile klasea antolatzen eta mobilizatzen" jarraituko duela ere esan diote lehendakariari.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.