Kautelaz bertan behera utzi dute atzerriko unibertsitate tituluak balioztatzeko eskumena EAEra eskualdatzea
Auzitegi Goreneko administrazioarekiko auzien salak bertan behera utzi du, kautelaz, apirilaren 9ko 366/2024 Errege Dekretuaren indarrean sartzea. Dekretu horren bidez, Euskal Autonomia Erkidegoari ematen zaizkio atzerriko goi-mailako hezkuntza-sistemen esparruan lortutako tituluak Espainiako unibertsitate-titulu ofizial batera homologatu eta baliokidetzeko eginkizunak.
Auzitegiak Errege Dekretuaren aurkako errekurtsoak ebazten dituen bitartean, kautelazko neurri hau hartzeko eskatu zuten hainbat elkargo profesionalek. Horri erantzunez hartu erabaki hau Gorenak.
Gorenak bere argudioetan azaldu duenez, "ez dago eragozpenik", urte honetan zehar, "errekurtso horiek osorik izapidetzeko eta hauen funtsei buruzko ebazpena emateko". Beraz, azkenean hartuko den erabakia ezeslea bada, "ez da gehiegi oztopatuko eskualdatutako eginkizunak betetzea, eta, baiestekoa bada, ez zaio autonomia erkidegoari emango ez dagozkion erabakiak hartzeko aukerarik".
Zentzu horretan, epaileek adierazi dute prozeduran parte hartu eta kautelazko neurri honen aurka egin duten Eusko Jaurlaritzako abokatuek "erakutsi dutela dekretua eteteak eragin oso txikia izango lukeela". Adierazi dutenez, "Erkidegoak ez luke titulazioen gaineko behin betiko ebazpenik emango hamar hilabetean gutxienez, beste arrazoi batzuen artean, ez direlako hartu beharrezko antolamendu-neurriak eta neurri funtzionalak". Gorenaren autoak nabarmendu duenez, "une horretara iritsi baino lehen epaia emango dugu".
Bestetik, ebazpenak dio "gero eta titulazio gehiago izateak eta ezohiko mugikortasunak zuhurtzia handiz jokatzea aholkatzen" dutela, batik bat, "jarraibide homogeneoak betetzen direla" ziurtatu ahal izateko.
Hala, magistratuek ohartarazi dute Estatuak zaindu egin behar duela lurralde osoan arlo horretan homogeneoki jardungo dela, eta gogorarazi du gaiak "hezkuntzaren dimentsioa gainditu eta lanbideen jardunaren gainean proiektatzen" duela. Gaiaren zailtasuna azpimarratu dute, eta azaldu dute "zuhurtzia oro gutxi" dela "erakunde batetik bestera izan daitezkeen irizpideen desberdintasuna prebenitzeko".
Auzitegi Gorenak argitu duenez, "horrek ez du esan nahi EAEko Administrazioaren jarduera bidegabea izan daitekeela aurreikusten denik".
Une honetan, atzerriko unibertsitate-tituluak homologatzeko 200 eskabide daude erregistratuta Araban, Bizkaian eta Gipuzkoan. Eusko Jaurlaritzako iturriek jakitera eman dutenez, orain "lehentasuna da kautelazko etetearen erabaki horrek Euskadin profesionalki garatu nahi duten 200 pertsona horien proiektuak ez geldiaraztea".
Horrez gainera, eskumen hau Gernikako Estatutuan jasota dagoela gogorarazi dute; "euskal erakundeek legez bereganatutako eskumena da", esan dute. Horrenbestez, Gorenak kautelazko eteterako eskaintzen dituen irizpideak ez zaizkie "egokienak iruditzen eskumenak banatzeko gai bat ebazteko", eta nahiago dute "konstituzionaltasun-blokea aplikatzea eta Konstituzio Auzitegiak erabakia hartzea".
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.