Irailaren 5erako deitu du Jaurlaritzak osasun ituna adosten hasteko lehen bilera
"Herriaren azterketa partekatua egitea zen helburua eta eragile guztiek modu positiboan erantzun diote gure deiari. Prestutasun osoa erakutsi dute eragile guztiek. Hori da nik aste guzti hauetan sentitu dudana". Hitzokin laburbildu du Imanol Pradales lehendakariak eragile sozialekin azken asteotan izandako bilera-sorta. Hori bai, nabarmendu du "jarrera horrek jarraipena" izan behar duela, gizarteak "zaratatik aldetzea eskatzen digulako". "Gure helburua ez da izan argazki bat ateratzea. Erronka erraldoiak ditugu parez pare eta eragile guztien ekarpena beharrezkoa da erronka horiei herri mailako erantzunak emateko".
Hala, osasunaren inguruko herri-ituna lortzeko bideari lehenbailehen ekitea dela asmoa nabarmendu du, eta zentzu horretan, iragarri du Alberto Martinez Osasun sailburuak irailaren 5erako deitu duela lehendabiziko bilera eragileekin, itun hori adosten hasteko. "Garai berri batean" gaudela iritzi dio Pradalesek, eta "elkarlanerako eta akordiorako" aukerak ikusten ditu.
Osakidetzaren egoeraren eta premien inguruko diagnosia aurkeztuko du Osasun sailburuak aurreneko batzar horretan, ondoren eragileen ekarpenak jasotzeko. Eta aurrez iragarri bezala, epe bat ere jarriko dute mahai gainean: sei hilabeteko epean nahiko luke Jaurlaritzak ituna.
Joan den astean Pedro Sanchez Espainiako Gobernuko presidentearekin izandako bileraz ere aritu da lehendakaria. Azaldu du mezu argi bat helarazi ziola gobernuburu sozialistari: Gernikako Estatutua osorik betetzeko eta estatus berri baterako akordioa lantzeko konpromisoa. Zentzu horretan ere, ziur agertu da Pradales aro berri batean gaudela, eta udazkenetik aurrera "eskumen berriak Euskadira" eskualdatuko diren itxaropena agertu du. "Transferentziei dinamika eta erritmo berri bat emateko aukera eman zigun Sanchezekin izandako bilerak, eta horri eutsi behar zaio".
Hala, gaur Maria Ubarretxena Gobernantza, Administrazio Digitala eta Autogobernu sailburuak, Madrilen, Angel Victor Torres Espainiako Gobernuko Lurralde Politikako eta Memoria Demokratikoko ministroarekin duen bilerak emaitzak emango dituela espero du Jaurlaritzako buruak.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.