La Cumbre jauregia memoria gune bihurtzeko proposamena egin du Donostiako Udalak
Donostiako Udalak lehen pausoak eman ditu etorkizunean La Cumbre jauregia memoria demokratikorako gune bihurtzeko. EITBk jakin ahal izan duenez, Donostiako Udalak Eusko Jaurlaritzarekin elkarlanean landutako dokumentuaren lehen zirriborroa igorri dio Espainiako Gobernuari, oraindik erantzunik jaso ez badu ere. EITBk eskuratu ahal izan duen dokumentua jasotzen du, besteak beste, Aiete auzoko eraikin horretan Lasa eta Zabala oroitzeko espazio bat ere sortzea, Guardia Zibilak bertan torturatu baitzituen hil eta Alacanten lurperatu aurretik.
Zehazki, Lasa eta Zabala kasuak erakusketa espazioaren ardatz egituratzailea izatea nahi du, "balio sinboliko berezia eta espazioaren helburuak islatzeko potentzialitatea duelako".
Udalak giza eskubideen urraketa larri guztiak ikusarazi nahi ditu: behartutako desagerpenak, talde armatuen hilketak, polizia indarkeria, gerra zikina eta torturak, besteak beste. Horrez gain, testuingurua ulertzeko elementuak ere gehitzea proposatu du.
Proposamenaren arabera, jauregia "askatasunaren, demokraziaren eta justizia sozialaren" gune bihurtzea da, baita "pedagogia sozialerako eta giza eskubideen urraketei buruzko hausnarketa kritiko eta etikoa" bultzatzea ere.
Donostiako Udalak eta Eusko Jaurlaritzak aurreko legealdian landutako testua da, eta oraindik hastapenetan dagoenez aldaketak izan ditzake.
La Cumbre jauregia honezkero irekita edo eraikitze bidean dauden espazioei batuko litzaieke: Bilboko Gogoragunea, Gernikako Bakearen Museoa, Gasteizko Terrorismoaren Zentroa, Turtziozeko La Puente jauregia, etab.
Gaur-gaurkoz, La Cumbre jauregia Espainiako Gobernuarena da, baina Memoria Demokratikoaren Legeak Donostiako Udalari eskualdatzea aurreikusten du, legearen berezko helburuekin bat datozen jardueretarako.
EH Bilduk akordioa egin du Espainiako Gobernuarekin Donostiako La Cumbre jauregia eta Ezkabako gotorlekua memoria-gune bilakatzeko.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.