Parekotasun Legea indarrean sartu da gaur, zenbait kasutan langileak babesik gabe uzten dituen akats batekin
Emakumeen eta gizonen ordezkaritza parekideari eta presentzia orekatuari buruzko Lege Organikoa, "Parekidetasunaren Legea" izenez ezagutzen dena, ostegun honetan, abuztuaren 22an, sartu da indarrean "akats tekniko" batekin. Akats horrek babesik gabe uzten ditu istripu, gaixotasun larri edo ospitaleratze baten ondorioz senitarteko bat zaintzeko bost eguneko baimen berria edo lanaldia egokitzeko baimena hartzen duten langileak. Ana Redondo Berdintasun ministroak adierazi duenez, akatsa "lege horretan parte hartu duten guztien borondatearen aurka egin da" eta "zuzenketa prestatzen" ari dira.
Akatsa arauaren azken xedapenetako bederatzigarrenean dago. Horren bidez, Langileen Estatutuaren 55. artikuluko kaleratze baliogabeei buruzko atala aldatzen da. Puntu horretan, kaleratzea baliogabea izateko aurreikusitako kasuetan, sexu-indarkeriaren biktimak sartu ziren; baina ez zituzten gehitu zaintza-baimenak hartu dituzten pertsonak.
Jende multzo hori kaleratze baliogabeen kasuetan sartuta zegoen iazko ekainean onartutako 5/2023 Errege Lege Dekretuaren bidez. Ostegun honetatik aurrera, ordea, kanpoan geratuko dira.
Redondok onartu du kolektibo hori ez aipatzea Legea idaztean egindako "akats teknikoa" dela. Ez diola "borondate politikoari erantzuten" eta "aukera dagoen lehen ekintza parlamentarioetan" zuzentzen saiatuko direla ziurtatu du.
Emakumeen gutxieneko parte-hartzea
"Parekidetasunaren Legearen" helburua sektore publikoan eta pribatuan emakumeen eta gizonen presentzia orekatua bermatzea da. Zehazki, enpresa handiak eta Estatuko Administrazio Orokorra behartuko ditu zuzendaritza-organoetan, gutxienez, emakumeen % 40 izatera.
Ibexeko konpainiek 2025eko ekainaren 30a baino lehen aplikatu beharko dute araua. Gainerako enpresek 2026an egin beharko dute, eta sindikatuek, enpresaburuen elkarteek eta interes publikoko erakundeek 2028ra arteko tartea izango dute.
Haurdunaldiengatik edo seme-alabak zaintzeagatik geldialdiak jasan ditzaketen ikertzaileentzat onuragarriak diren faktore zuzentzaileak ere aplikatzen ditu Legeak.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.