Sanchezek esan du finantzaketaren eztabaida ez dela lurraldeen artekoa, "ereduen artekoa baizik"
PSOEren Batzorde Federalak bilera eguna izan du gaurkoa. Espainiako Gobernuko presidente Pedro Sanchez eta Kataluniako finantzaketa kritikatzen duten baroi sozialistak aurrez aurre izan dira Ferrazen. Sanchezek berak zuzendutako hitzorduan baroi sozialista gehienek hartu dute parte, Kataluniak finantzaketa eredu berezia izan dezan ERCrekin egindako ituna begiz jo duten zenbait tartean direla.
Bileraren hasiera bateko helburua azaroko Kongresu Federala ofizialki deitzea bazen ere, finantzaketa autonomikoak hartu du lekurik garranzitsuena, erkidegoetako presidenteek beren desadostasunak eta zalantzak jarri baitituzte mahai gainean.
Parte-hartzaileen artean, Gaztela-Mantxako buru Emiliano Garcia-Page eta Aragoiko buruzagi Javier Lamban izan dira, Sanchez gogorren kritikatu duten sozialistetako bi.
Generalitateko presidente berri Salvador Illari gorazarre eginez hasi du agerraldia Sanchezek, eta, esan duenez, finantzaketa autonomikoaren "benetako eztabaida" ez da lurraldeen artekoa izan behar, "ereduen artekoa baizik". PPren aurka egiteko ere aprobetxatu du solasaldia, eta Estatuko dirua erabilita "aberatsenei opari fiskalak egitea" aurpegiratu dio.
"Transferentzia gehiago egingo ditugu, berezitasunak onartuko ditugu eta karga gehiago kudeatu eta diru gehiago bildu nahi duten autonomia erkidegoei beren bidea egiten utziko diegu, jokabide horrek bat egiten duelako gure Estatu federalarekin", esan du PSCren eta ERCren artean itundutako akordioa zuzenean aipatu gabe.
Hala nahi duten autonomia erkidego guztiei "diru gehiago biltzeko eta kudeatzeko" atea ireki die Sanchezek, "autonomikoa deitzen diogun gure Estatu federalarekin koherentea" dela iritzita.
Euskadiko, Galiziako, Balearretako, Valentziako eta Murtziako presidenteak, finantzaketa bereziaren alde
Gainerako lurraldeei mesede egingo dielakoan eta Espainiarentzat aukera ona dela iritzita, finantzaketa bereziaren alde egin dute Euskadiko, Galiziako, Balearretako, Valentziako eta Murtziako presidente sozialistek.
Ahots kritikoak ere izan dira. ERCrekin adostutako aurreakordioa aztertzeko gogoa erakutsi du Emiliano Garcia-Page Gaztela-Mantxako PSOEko idazkari nagusiak. Bertara iristean komunikabideei adierazi dienaren arabera, "arduratuta" dago, "bai herrialdeagatik, baita ezkerraren eta sozialdemokraziaren oinarrizko baloreengatik ere".
Javier Lamban Aragoiko PSOEko idazkari nagusia ere kritiko agertu da. Katalunian finantzaketa-eredu berezia aplikatzea elkartasunaren eta kohesioaren ikuspegitik "herrialdea leherraraziko lukeen lehergailu baten metxa modukoa" izango litzatekeela ohartarazi du.
PSOEren idazkari nagusi izateko aurkeztuko da berriro Sanchez
Gaur, larunbatarekin, aurreratu duenez, azaroan Sevillan PSOEk egingo duen Kongresu Federalean bere burua aurkeztuko du berriro Sanchezek PSOEren idazkari nagusi izateko, "optimismorako garaia" baita.
Albiste gehiago politika
Semper: "EAJ jabetzen hasi da PSOEk botata utziko duela edozein unetan"
PPko bozeramailearen arabera, "Euskadin etorkizunerako aukera, aritmetikoa, PSE Bildurekin joatea da, EAJren aukera albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.