Anduezak "argi" hitz egiteko eskatu dio EAJri estatutu itunaz, "PSE-EEk ez baitu denborarik galduko"
Eneko Andueza PSE-EEren idazkari nagusiak "argi" hitz egiteko eskatu dio gaur EAJri, alderdiak estatutu politiko berriaz dituen asmoen inguruan. Izan ere, ohartarazi duenez, "PSE-EEk ez du denborarik galduko" jeltzaleek erabakitzen badute "EH Bildurekin erabakitzeko eskubidearen alde sinatu zuten akordioari heltzea, eta beraz, independentziaren bidea urratzea".
Radio Euskadiren "Boulevard" irratsaioan izan da gaur Andueza, Andoni Ortuzarrek gai horren inguruan bilera sorta abiatuko duela iragarri eta biharamunean. Argitu duenez, sozialistek batzarrotan parte hartuko dute; "ez diogu inoiz eztabaiari muzin egin", erantsi du.
Dena dela, euren jarrera argitzeko deia egin die jeltzaleei, eta duela bi legealdi PSE-EErekin eta Podemosekin batera Autogobernuaren Lantaldean adostutako akordioa ekarri du gogora. Horren hitzetan, ituna "oinarri ona" da, eta "PPren eta EH Bilduren babesa ere izan lezake".
"Obsesio subiranisten inguruko eztabaidara bueltatzen bagara, porrotera kondenatuta egongo gara berriro, aurrekoetan gertatu zaigun bezala", ohartarazi du, eta Lizarra-Garaziko akordioa eta "Ibarretxe plana" deiturikoa jarri ditu adibidetzat. Hala, argi utzi du sozialistek ez dutela "denborarik galduko" EAJk "independentziaren bidea urratzea" erabakitzen badu.
Eusko Legebiltzarrean alderdi abertzaleek duten gehiengoaz itaunduta, Anduezak esan du EAJk eta EH Bilduk 75 eserlekuetatik 54 edukitzeak ez duela zertan bat egin "euskal gizartearen gehiengo zabal batek gai horren inguruan duen iritziarekin". Horren harira, gogora ekarri duenez, hainbat ikerketa soziologikoren arabera, "independentziaren aldeko sentimendua inoiz baino apalagoa da gaur-gaurkoz".
Buruzagi sozialistaren aburuz, "gehiengo hori gehiengo abertzalea da, baina ez da anitza eta Euskadi oso anitza da". Azkenik, azpimarratu du hauteskundeek EAJ-PSE-EEri eman diotela gehiengoa, eta bi alderdi horiek direla Eusko Jaurlaritza osatzen dutenak, eta, hortaz, "Euskadi gobernatzen dutenak".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.