Albiste izango dira: EITB Focus: Pradalesen lehen 100 egunak, Israel-Iran, eta Errenteria eremu tentsionatu
Honako gai hauek hartuko dituzte gaur, 2024ko urriaren 2an, hedabideetako lerroburu nagusiak:
- EITB Focus: Imanol Pradales lehendakariaren lehen 100 egunak: Ehun eguneko jardunaren ondoren, EAEko herritarrek 10etik 5,99ko nota jarri diote Imanol Pradalesen lehendakaritzaren kudeaketari. 2024ko irailean egindako EITB Focus inkestaren arabera, hamar pertsonatik seik 5 eta 10 arteko nota eman diote Eusko Jaurlaritza berriari. Halaber, Eusko Jaurlaritzak izan beharko lituzkeen lehentasunen inguruan galdetuta, Osasunaren eta Osakidetzaren aldeko Itunak (8,92), Etxebizitza Planak (8,43) eta Hezkuntza Politikak (8,41) aipatu dituzte, hurrenkera horretan.
- Israel-Iran: Ekialde Hurbilean Israelen eta Iranen arteko eskala handiko aurrez aurrekoa geroz eta gertuago dago, azken orduetan bi aldeen partetik izan diren erasoen ondoren. Iranek gutxienez 200 misil jaurti ditu Israelen aurka, Hamas eta Hezbollahko buruzagien hilketei erantzunez. Iranek egindako "akats larriaren" ondorioak "ordaindu" egingo dituela nabarmendu du Benjamin Netanyahu Israelgo lehen ministroak.
- Errenteria, eremu tentsionatu: Errenteria eremu tentsionatu izendatuko dute eta izendapen hori jasotzen duen Euskal Autonomia Erkidegoko lehen udalerria izango da. Eusko Jaurlaritzako Etxebizitza Sailak eskabideak bidaltzen dituenetik hiru hilabete izango ditu Etxebizitza Ministerioak eremu tentsionatuaren izendapena onartzeko.
Zure interesekoa izan daiteke
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.