Jaurlaritza lasaitasun handiz ari da jarraitzen erabakitzeko eskubidearen eztabaida, Ubarretxenaren arabera
Azken egunotan erabakitzeko eskubidearen inguruan mozioak onartu dituzte Bizkaiko eta Gipuzkoako Batzar Nagusiek, EAJren eta EH Bilduren aldeko botoekin. PSE-EE, aldiz, kontra agertu da. Desadostasunak desadostasun, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernuko sailburuaren ukatu egin du gobernu kide diren bi alderdien artean arrakalarik sortu dela. "Gobernu taldean, momentu honetan behintzat, lasaitasun handiarekin ari gara (eztabaida) jarraitzen", esan du.
Euskadi Irratiko Faktoria saioan egin dioten elkarrizketan Ubarretxenak azaldu duenez, bi alderdiek sinatutako gobernu akordioak "oso ondo islatzen du gobernu jarduna" zein izan behar den eta gobernu guztia "leialtasun osoz" ari da dokumentua jarraitzen. Horren esanetan, Estatutu berria Eusko Legebiltzarrean eztabaidatu eta adostu behar da, eta Eusko Jaurlaritzak hortik ateratzen dena errespetatuko du. Edozein kasutan, onartu du ahalik eta akordiorik zabalena izatea nahiko lukeela Eusko Jaurlaritzak.
Bestalde, Gernikako Estatutua betetzeko falta diren transferentzien negoziazioan aurrera egiteko asmoz, Arcadi España Lurralde Politiketako Estatu idazkariarekin elkartu eta biharamunean, bileraren balorazio "positiboa" egin du Ubarretxenak. Horren hitzetan, esku artean dituzten gaietan "aurrera egiteko" eta laster egitekoa den Aldebiko Lankidetza Batzordearen bilera prestatzeko baliatu zuten atzoko saioa.
Guztira, 29 eskumen falta dira eskualdatzeko, Gizarte Segurantzarena barne, eta Autogobernu sailburuaren esanetan, Espainiako Gobernuak mahai gainean ditu lehen sei eskumenak transferitzeko Eusko Jaurlaritzak igorritako proposamena. Lehen multzo horretan daude itsasertzaren antolamendua eta kudeaketa, atzerritarren hasierako lan baimena, itsas salbamendua, meteorologia, makineria egiaztatzeko zentro nazionala (Barakaldo), eta zinematografia babesteko funtsa.
Pedro Sanchezen inbestidura babesteko EAJk sinatutako akordioa ekarri du gogora, izan ere, horren arabera, eskumenak eskualdatzeko bi urteko epea ezarri zuten. Ildo horretan, "baikor" mintzatu da eta Euskadik adostutakoa bete dadin "% 100"ean ekingo diola gaineratu du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.