Zigorrak kommutatzeko legea ETAren biktimei egindako "beste bidegabekeria bat" da, Coviteren ustez
Consuelo Ordoñez Euskadiko Terrorismoaren Biktimen Kolektiboko (Covite) presidenteak salatu duenez, Europan betetako zigorrak aintzat hartzeko lege erreforma ETAren biktimei egindako "beste bidegabekeria bat" da.
Senatuak gaur bozkatu behar zuen (PPk atzeratu egin du eztabaida) arauaren inguruan mintzatu da Ordoñez, Radio Euskadin egin dioten elkarrizketa batean. Erreformarekin oso kritiko azaldu da, eta aurrez, eta gradu aldaketak tarteko, Eusko Jaurlaritzak ETAko 60 preso "modu iruzurtian askatu" dituela ere salatu du. Bi kasuetan, horren hitzetan, emaitza bera da: "ETAko presoek inpunitate gehiago izatea".
Ordoñezen aburuz, alderdi politiko guztiek dute erantzukizuna gertatutakoan. Europako araudiari buruz esan du Estrasburgok "Ines de Rio aske uzteko baino" ez zuela agindu. Gainerako presoekin, betiere horren ustez, "ETAren eskakizunei" men egiten ari zaie, "Zuzenbide Estatuari iruzurra egiten". Nabarmendu duenez, ETAko presoek Frantzian betetako zigorrak eta Espainian ezarritakoak kasu ezberdinengatik dira.
Halaber, Eusko Jaurlaritzak espetxe eskumena duenetik, "EAJk bi urteotan emandako gradu aldaketa piloa" salatu ditu. "AVTk eta PPk ere ezikusiarena egin dute, isilik egon baitira", erantsi du.
Salatu duenez, PSE-EEk bi hirugarren gradu eman dituenean "orduan, sumindu dira denak", baina "aurretik, 2013tik, zegoen iruzurra. Rajoyk eta Zapaterok ziria sartu ziguten, ETAren eskakizunetako bat zelako: amaiera negoziatua eta inpunitatea nahi zituen, eta kartzelak hutsik ikusi; lortzen ari dira", salatu du.
Hori horrela, "hipokresia gutxiago" eskatu die guztiei. "Ohituta gaude politikarien eta gobernuburuen estoldetara eta miserietara", laburbildu du.
Zure interesekoa izan daiteke
Eusko Jaurlaritzak "kea saltzen" duela salatu du Sumar Mugimenduak, eta inkesta bat egingo du herritarren "kezkak jasotzeko"
Sumar Mugimenduak salatu duenez, Eusko Jaurlaritzak "dena ondo doala esaten digu, baina kea saltzen ari zaizkigu". Hori dela eta, euskal herritarren "benetako kezkak" jasotzeko inkesta ireki bat martxan jarriko dutela iragarri du.
EH Bilduk 60.000 etxebizitza mobilizatzea eta eraikitzea proposatu du hamar urtean, horietatik 30.000 berriak
Etxebizitzaren aldeko aliantza publiko-komunitario handia iradoki du, arrazoizko prezioak bermatzeko, euskal erakundeek, banku-fundazioek eta borondatezko gizarte-aurreikuspeneko erakundeek (BGAE) osatua, eta, horrela, Araban, Bizkaian eta Gipuzkoan etxebizitza publikoa sustatzeko.
Hauteskundeak, Andaluzian: zer du jokoan alderdi bakoitzak M17an?
Gauerdian amaituko da hauteskunde kanpaina Andaluzian. Inkesta guztiek Juanma Moreno PPko hautagaia jotzen dute irabazle, baina ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin, azken unera arte ahalegindu nahi du azken urteotan galdutako boto-emaileak berreskuratzen.
Euskadiko zerga turistikoa 6 egunekoa izango da, eta etxebizitza turistikoak gehiago zergapetuko ditu
Podemosek zazpi zuzenketa adostu ditu EAJrekin eta PSE-EErekin, tasa turistikoa "progresiboagoa, malguagoa eta udalentzat erabilgarriagoa" izan dadin.
Pradalesek Osasun ministroari egotzi dio medikuen grebaren erantzukizuna
Monica Garcia Espainiako Gobernuko Osasun ministroa defendatzea aurpegiratu dio Imanol Pradales lehendakariak Jon Hernandez Sumarreko legebiltzarkideari, medikuen greba "berak eragindakoa" izan arren.
Etxebizitza planarekin lursailak eta etxebizitza pribatuak "desjabetu" nahi dituen argitzeko eskatu dio Pradalesek EH Bilduri
Imanol Pradales lehendakariak Eusko Legebiltzarreko kontrol saioan erantzun dio EH Bilduk etxebizitza eskuratzeko krisiari buruz egindako galderari. Pello Otxandianok esan duenez, etxebizitzaren alorrean "gauza asko egin behar dira", baina "nagusia" prezioak jaistea da, "errenta ertaineko langileei benetan eskuragarriak diren etxebizitzak" eskaintzeko.
Euskadin inbertsio ekonomiko iraunkorra arintzeko legea iragarri du Pradalesek
Ekimenaren helburua "autobide arautzaile bat" sortzea da, epe administratiboak legezko berme guztiekin murriztea eta herrialdearen garapen ekonomikorako lehentasunezkotzat jotzen diren proiektuak bizkortzea ahalbidetuko duena.
Andaluzia: ezkerraren gotorleku eraitsia, eskuinaren bastioi berria
Zalantza nagusi bat dago igandeko hauteskundeei begira: PPk gehiengo osoa lortuko duen ala Voxen babesa beharko duen. Andaluzia ezkerraren gotorlekua zen, baina eskuina hegemonikoa da gaur egun. “Ezkerreko indarren higadura eta eztabaida politikoaren gai nagusien aldaketa giltzarriak izan dira”, adierazi du Ainara Villaño politologoak.
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.