Justiziaren "independentzia indartzea" eskatu du Subijanak, "prestigioa" ez galtzeko
Iñaki Subijana EAEko Justizia Auzitegi Nagusiko presidenteak Justiziaren "independentzia indartzea" eskatu du, "prestigioa" eta herritarren "konfidantza" ez galtzeko. Hala, epaileek legeak interpretatzeko duten eskubidea aldarrikatu du, betiere, interpretazio horiek marko konstituzionalaren barruan egin behar direla zehaztuz.
Euskal Autonomia Erkidegoan gaur eman diote hasiera 2024-2025 lan urte judizialari, Bilboko Justizia Jauregian egin den ekitaldian, eta han egin ditu adierazpenok Subijanak. Justizia Administrazioko eta hainbat erakundetako ordezkaritza zabalak hartu du parte, tartean, Imanol Pradales lehendakariak eta Carmen Adan, EAEko fiskal nagusiak.
Besteak beste, Espainiako legedia Europako zuzenbidera egokitu beharra nabarmendu du Subijanak, Estatuko eta Europako arauek talde egiten dutenerako.
Pradales lehendakariak ere hartu du hitza ekitaldian. Justizia errestauratiboaren alde egin du, mendekua helburu izango ez duena. "Mendekua helburu duen justizia ez da justizia", esan du. Ezaugarri propioak dituen eredua aldarrikatu du Euskadirentzat.
Justizia Administrazioan euskarak bizi duen egoera zailari ere egin dio erreferentzia Pradalesek. Zentzu horretan, herritar orok zerbitzu publikoa euskaraz jasotzeko duen eskubidea aldarrikatu du, eta erakunde publikoek eskubide hori egiazki bermatu behar dutela erantsi. Epaiketak euskaraz egiteko ezintasunaz, berriz, errealitate hori aldatu beharra aipatu du. "Galdera da: Inork irudikatzen al du epaiketa bat gazteleraz egiteko aukerarik ez izatea Euskadin, epaile abokatu edo fiskal batek gaztelaniaz ez jakitea? Erantzuna ezezkoa da, noski. Orduan, zergatik onartu behar dugu kontrakoa, euskarari dagokionean? Errealitate hau aldatu beharra dugu".
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.