Gorenak Estatuko fiskal nagusia ikertuko du Ayusoren bikotekidearen informazioa zabaltzeagatik
Auzitegi Gorenak Alvaro Garcia Ortiz Estatuko fiskal nagusiaren kontrako zigor auzia abiatzea erabaki du, sekretuak agerraraztearen ustezko delitua egotzita. Alberto Gonzalez Amador Isabel Diaz Ayuso Madrilgo erkidegoko presidentearen bikotekideak kereila aurkeztu zuen Garcia Ortizen kontra, fiskalak haren auzipetzearekin lotutako informazioa zabaltzeagatik.
Aurrekaririk ez duen erabakia da honakoa, izan ere, sekula ez da Estatuko fiskalburu bat ikerketapean jarri. Ebazpena aho batez hartu du Gorenak.
________________
FISKALTZAREN ADIERAZPENA: Garcia Ortizek ez du dimisioa emango
________________
Gonzalez Amadorrek auzitara jo zuen Madrilgo Fiskaltzak kaleratutako ohar informatibo baten kontura. Bertan, horren abokatuak eta Julian Salto fiskalak trukatu zituzten mezu elektronikoak irakur zitezkeen, eta horietan egindako zerga iruzurra aitortzen zuen Ayusoren bikotekideak. Garcia Ortiz fiskalburuak bere gain hartu zuen ohar hori kaleratzearen ardura.
Goreneko Fiskaltza auzibidea zabaltzearen kontra azaldu zen. Argudiatu zuenez, Ministerio Publikoak argitaratutako ohar informatiboan aurrez hedabideetan azaldutako datuak ageri ziren, eta helburua zen auziaren inguruko informazio faltsuak gezurtatzea.
Goreneko Zigor arloko Salak, ordea, ez du Fiskaltzarekin bat egin, eta Gonzalez Amadorren kereila eta Madrilgo Auzitegi Nagusiaren akusazioak aintzat hartu ditu. Ayusoren bikotekideak bertan aurkeztu zuen kereila, baina Garcia Ortiz foruduna zenez, Gorenera bidali zuen.
Epaileen ustez, "itxura batean, ez zirudien informazioa legearen kontra zabaldu zenik, baina gerora Madrilgo Auzitegi Nagusiak egindako ikerketak eta Julian Saltoren deklarazioak agerian utzi zuten mezu elektronikoen trukea legearen kontra zabaldu zirela ohar informatiboa kaleratu baino ordu batzuk lehenago, eta email horiek Estatuko fiskal nagusiaren eta Madrilgo fiskalburuaren esku zeudela".
Hala, Salak gogora ekarri du zenbait hedabidek email trukea kaleratu zutela Fiskaltzaren oharra argitaratu baino lehen, martxoaren 12an eta 13an. Gorenak argudiatu duenez, ikertu egin behar da "nola eskuratu zuten hedabideek informazioa".
Gorenak Pilar Rodriguez Fernandez Madrilgo lurralde fiskalburua ere ikerketapean jartzea erabaki du. Rodriguezek oharra egiteko datuak bidali omen zizkion Garcia Ortizi. Rodriguez ez da foruduna (berez, forudunak epaitzeko eskuduntza du Gorenak), baina Auzitegiaren ustez, bi jarrerek —Estatuko fiskal nagusiarena eta Madrilgo fiskalburuarena— "lotura zuzena dute eta ezin dira bereiz ikertu".
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.