Bi dira dagoeneko dimisioa iragarri duten Eibarko zinegotzi jeltzaleak, PSE-EErekin itxitako akordioa dela eta
Koalizio gobernua osatzeko Eibarko Udalean PSE-EEk eta EAJk adostu duten ituna ez dela "duina", eta jeltzaleen proiektua alboratzea eta sozialistena ahalbidetzea ekarriko duela. Besteak beste, arrazoi horiek mahai gainean jarrita iragarri du Josu Mendikute orain arte Eibarko Udalean EAJren eleduna izan denak zinegotzi aktari uko egingo diola. Azaldu duenez, ez du bere burua akordioan jasotakoa defendatzeko gai ikusten.
Eibarko Uri Buru Batzarreko alderdikideei igorritako gutun batean eman du hartutako erabakiaren berri Mendikutek. Eskutitzean argi dio PSE-EErekin itxitako akordioa dela dimisioa aurkezteko arrazoia. Bere hitzetan, erabaki "mingarria" izan arren, norberaren iritziak eta alderdiarenak bat ez datozenean, karguan jarraitzeak ez du zentzurik.
Lehendabiziko dimisio horren berria zabaldu eta gutxira iritsi da bigarrena. Amaia Albizu Eibarko Udaleko zinegotzi jeltzaleak ere karguari uko egingo diola jakinarazi du, arrazoi beragatik.
13 urteko ezin-ikusiaren ostean, PSE-EEk eta EAJk asteon iragarri dute koalizio Gobernua osatzeko akordioa. Bi alderdiotako ordezkariek atzo egin zuten agerraldia, itunaren nondik norakoak azaltzeko. Bat etorri ziren esatean itunak "egonkortasuna" eta "ziurtasuna" emango dizkiola herriari. Kostatakoa izan dela ere onartu zuten, hilabete askotako negoziazioak izan dituztela, eta bi alderdietako zuzendaritzek parte hartu dutela.
Hain zuzen, prentsaurrekoan Mendikute egon ez izana deigarria izan zen, ete berehala hasi ziren zabaltzen jarraituko ote zuen susmoak. Agerraldian bertan, Eva Juez Eibarko Uri Buru Batzarreko presidenteak aitortu zuen akordioak arrakala eragin duela talde jeltzalean.
Zure interesekoa izan daiteke
Ernaik aste honetan kendu dituen "ikur espainolistak" erakutsi ditu Durangon
Horrela, Durangoko (Bizkaia) Santa Ana plazan aste honetan kendu edo eraitsi diren ikurrak ezarri ditu: Tuterako (Nafarroa) Osborne zezenaren adarrak, Igeldoko (Gipuzkoa) militar karlista baten omenezko gurutzea, Gasteizko alkate frankistaren izena duen kaleko plaka eta Euskal Herriko hainbat eraikin publikotako Espainiako banderak.
Guardiako alkatearen ustezko delituak ikertzeko eskatu dio EH Bilduk Fiskaltzari
Koalizio abertzaleko zinegotziek azaldu dutenez, legegintzaldi honetan alkatearen eta haren gobernu taldearen zenbait jardunbide "legezkotasunetik kanpo daude eta delituzkoak izan daitezke". "Bereziki larritzat" jo dituen bi jokabidetan jarri du arreta EH Bilduk.
"PPren aurkako ekintzen aurrean" jeltzaleek eta sozialistek duten jarrera kritikatu du De Andresek
Javier De Andres Euskadiko PPren presidenteak esan du erakunde bat "zuzenean PPren aurka" egiten ari dela, eta horrek izen-abizenak dituela: "EH Bildu eta Ernai". Testuinguru horretan, jeltzaleen eta sozialisten jarrera kritikatu du.
Aizpuruak (EH Bildu) ausardia eskatu du nazio aniztasunean aurrera egiteko, eta PPrekin zein Voxekin aritzea horrekin "bateraezina" dela esan du
Mertxe Aizpurua EH Bilduk Kongresuan duen bozeramaileak esan du nazio aniztasuna aitortu eta demokrazia eraberritzeko bidean aurrera egiteak "ausardia eta konbikzioa" eskatzen dituela. Halaber, ohartarazi du bide hori bateraezina dela "PPrekin eta Voxekin batera aritzearekin, ez ekintzaz, ez omisioz, ez Madrilen, ez Euskal Herrian".
Vaquero: "Sanchezi eskatzen diogu bere borondate guztia jartzeko transferentziak burutzeko"
Maribel Vaquero EAJk Diputatuen Kongresuan duen bozeramaileak Estatutua betetzeari buruz hitz egin du Espainiako Konstituzioaren urteurrenean.
Gernikako Juntetxean Espainiako bandera ostu eta pintaketa bat egin dute
"Gurea ikurriña" zioen pintaketa batekin esnatu da eraikina gaur goizean, eta atean dauden Espainiako eta Europako banderarik gabe. Ernaik, bere aldetik, "ikur espainolisten" aurkako kanpaina amaitu dela iragarri du, eta Durango utzi ditu lapurtutako objektuak.
Salazar salatu zuten emakumeak “behar bezala babestu” ez izana onartu du PSOEk
Paco Salazar Moncloako aholkulari ohiarekin lan egiten zuten alderdiko bi militantek jazarpena jasan zutela salatu zuten. Sozialisten esanetan, protokoloak aktibatu zituzten.
PSE-EEk "normaltasunez" ikusten du EAEko Justizia Auzitegiak hizkuntza eskakizunen inguruan egindako kontsulta
Pau Blasi PSE-EEko legebiltzarkideak adierazi duenez, bere alderdiak "normaltasunez" ikusten du Euskal Autonomia Erkidegoko Auzitegi Nagusiak Euskadiko sektore publikoan hizkuntza eskakizunak arautzen dituen legeari buruz Auzitegi Konstituzionalari egingo dion kontsulta. "Ez da gertatzen den lehen aldia, eta Konstituzionalak esaten duenaren zain gaude", esan du Blasik Legebiltzarreko korridoreetan kazetarien galderei erantzunez.
Ernaik Euskal Herrian zutik geratzen zen azken Osborne zezena bota du "sinbolo espainolista izateagatik"
Sabotaje hori azken egunotan egin dituzten ekintzen barruan kokatzen du, hala nola, PPren Bilboko egoitzari pinturaz egindako erasoa eta Gizarte Segurantzaren Gasteizko Diruzaintzaren egoitzatik Espainiako bandera bat kentzea. Sare sozialetako mezuan jarri dutenez, "sinbolo espainolistek ez dute tokirik Euskal Herrian".
Antxustegi, Euskal Enplegu Publikoaren Legearen aferaz: "Lasai gaude, ziur gaudelako lege honek Konstituzioa betetzen duela"
"Jauzi kualitatibo bat da, larria eta negatiboa, baina lasai gaude lege hau legezkoa delako. Hori horrela, Jaurlaritzak alegazioak aurkeztuko ditu", adierazi du komunikabideen aurrean.