Abalosek Goreneko deklarazioa atzeratzeko eskatu du, auziaren dokumentazioa lortzeko arazo informatikoengatik
Jose Luis Abalos Garraio ministro ohiak Auzitegi Gorenari eskatu dio abenduaren 12rako aurreikusita zuen borondatezko deklarazioa atzeratzeko, sumarioa hobeto aztertzeko denbora gehiago behar duelako.
Auzitegi Goreneko bigarren salara bidalitako idazkian jasotzen denez, auziaren dokumentazioa ostegun honetan, abenduaren 5ean, jaso duelako, eta auziaren "hedadura dela eta", "ezinezkoa" zaiela borondatezko agerraldia prestatzeko dokumentazioa behar bezala aztertzea.
Leopoldo Puente Auzitegi Goreneko epaileak astelehenean erabaki zuen abenduaren 12an, 10:00etan, Abalosi borondatezko deklarazioa hartzea, pandemian ustez maskarak modu irregularrean kontratatzeagatik haren aurka irekitako auzian.
Garraio ministro ohiaren defentsak azaldu duenez, asteartean, abenduaren 3an, saiatu zen auzira telematikoki sartzen, baina erabilitako sistema informatikoak ez zion auzia irekitzeko baimenik eman. Hori dela eta, defentsaren ordezkari batek Gorenera jo behar izan zuen eguneratze guztiak pendrive batean kopiatzeko. Hilaren 5ean jaso zuen dokumentazioa azkenean, eta, defentsak zail ikusten du epe horretan agerraldia "berme guztiekin" eta epaileak adierazitako datan "egiten diren galdera guztiei erantzuteko" prestatzea. Hori dela eta, hitzordua atzeratzeko eskatu dute.
Kasuko prokuradoreak, gainera, Gorenari eskatu dio kontuan hartzeko abenduaren 19an Garraio ministro ohiak ahozko epaiketa duela.
El Pais egunkarian ostiral honetan argitaratutako elkarrizketa batean, Abalosek ukatu egin du atzerrian dirurik edota ondarerik izatea, "ez zuzenean eramanda, ezta bitartekarien bidez ere", eta erantsi du ezingo dituztela eskudiruz egindako ordainketak frogatu, ez duelako halakorik egin.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.