Otxandiano: "Bizkaiko Aldundiak lehen aldiz borondate erreala izan du gurekin aurrekontuak negoziatzeko"
"Lehen aldiz Bizkaiko Aldundiak borondate erreala izan du EH Bildurekin aurrekontuak negoziatzeko eta akordio batera iritsi gara". Hala esan du Pello Otxandiano EH Bilduk Eusko Legebiltzarrean duen eledunak, ETB1eko 'Egun On Euskadi' saioan egindako elkarrizketan.
Bere hitzetan, oso bestelako jarrera erakutsi du Eusko Jaurlaritzak bere kontuen negoziazio prozesuan, eta azalpen hau eman du: "Bizkaiko kasuan, konpromiso ekonomikoei dagokienez, erreferentziatzat hartu da EH Bilduk eta Jaurlaritzako alderdiek 2022an egindako akordioa (aurrekontu osoaren % 1,6 inguru). Orduko portzentaje berbera da Bizkaian adostu dena. Erreferentzia hori jo dugu guk ontzat baita Jaurlaritzarekin izan dugun negoziazioan ere, ulerturik gehiengoa duen Gobernu baten aurrean gaudela. Bada, Jaurlaritzak EH Bilduri eskaini diona erreferentzia horren erdia izan da", azaldu du.
Berretsi du etxebizitzaren gaia eta lanbide arteko soldata propioa izan direla lehentasunak koalizioarentzat. Zentzu horretan, kritiko agertu da Eusko Jaurlaritzako Etxebizitza eta Hiri Agendarako sailburuak egin berri dituen adierazpenekin; etxebizitzaren arazoan aurrera egiteko EH Bilduko zenbait udalek jarritako trabak aipatu zituen buruzagi sozialistak, eta hori esatea onartezina dela iritzi dio Otxandianok. Azaldu du Jaurlaritzak eta udalek dituzten eskumenak eta baliabideak ezin direla alderatu, eta, beraz, arduraz jokatzeko eskatu dio Itxasori.
EH Bilduk erakunde guztietan jarrera berari eutsi diola ere nabarmendu du, erdigunean "politika publikoen norabidea" jarrita. Hori bai, tokian tokiko markoak ezberdinak izan direla ere ekarri du gogora. Arabako Aldundiaren kasuan "borondatea" egon da, gehiengorik ez izanda, "behar zutelako". Gipuzkoan, berriz, esan du "PPrekin akordioa egina" zegoela eta EH Bildu ez dela "inoiz egongo PP dagoen aurrekontu akordio batean". "EAJk nahiago izan du EH Bildu zokoratu", erantsi du.
Datorren ostiralean, abenduak 20, bozkatuko da Eusko Jaurlaritzak datorren urterako egindako aurrekontu proposamena Eusko Legebiltzarrean. Joan den astean Noël D'Anjou Ogasun eta Finantza sailburuak EH Bildurekin zabalik zuen negoziazio prozesua itxitzat eman bazuen ere, Otxandianok berretsi du zenbait gaitan "akordiorako aukerak" oraindik badaudela. "Demostratu izan da akordioak posible direla azken momentuan. Ibarretxek zioen bezala, 'goizaldera arte negoziatzen da'. Teknikoki posible da".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.