Iritzi ezberdinak eragin ditu euskal alderdien artean Felipe VI.a erregearen Gabonetako mezuak
Ohi bezala, Felipe VI.a Espainiako erregearen Gabonetako mezuak erreakzio-soka eragin du alderdi politikoen artean, askotariko iritziekin. Euskal alderdiei dagokionez, EAJ izan da bere balorazioa zabaltzen aurrenetakoa.
Hedabideetara igorritako ohar batean, Aitor Esteban EAJren bozeramaileak Kongresuan deitoratu egin du Konstituzioari buruz monarkak duen "ikuspegi idilikoa" eta nabarmendu du "1978an EAJk eta euskal gizarteak babestu ez zuten Konstituzioa" dela. "Euskal nazioaren existentzia" gogoratu ondoren, buruzagi jeltzaleak esan du erregea "sentimendu nazional ezberdinak egokitzen saiatu" zitekeela, baina ez zuela horretarako "borondaterik izan".
Halaber, "liskar politikoa" dela eta, "lasaitasunerako" egindako deiaren aurrean, EAJ ez dela "interpelatuta sentitzen" esan du Estebanek: "Erantzukizunez lan egiten dugu euskal herritarren bizitza hobetzeko".
Kritiko agertu da, baita ere, Richar Vaquero Podemos Euskadiko koordinatzaile nagusia. Esan duenez, errealitatetik oso urrun bizi da erregea, herritarren eguneroko arazoei bizkar emanda. Elkarrizketarako deia egin bai, baina gero herriari entzuten ez dion estatuburua izatea egotzi dio.
Bide beretik mintzatu da Sumar Mugimendua ere, eta "Euskadirekin erabat deskonektatuta" egotea leporatu dio, herritarren arazoak zeintzuk diren jakin ere egin gabe.
Oso bestelako balorazioa egin du Esther Martinez PPk EAEn duen idazkari nagusiak. Bilbon egindako agerraldi batean, buruzagi popularrak iritzi dio egungo egoera politikoaren "analisi egokia" egin zuela, herritarren arazoak kontuan hartuta. "Hainbat lezio inportante eman zizkigun, arazoei ezin diegulako aurre egin liskarretik, elkar ulertuz eta elkarrizketaren bidez, baizik", esan du.
Espainiako alderdi nagusiei dagokienez, sare-sozialen bidez heldu dira erreakzioak. Hala, X plataforman argitaratutako mezu batean, PSOEk txalotu egin du erregearen mezua, lasaitasunerako egin duen deiarekin ezin duela adosago egon esanez. "Felipe VI.ak ulertzen du lasaitasuna izan behar duela bizitza politikoaren ardatza. Kontsentsua da bidea, Espainiarren ongizatea bermatzeko", idatzi dute sozialistek. PSE-EEk bat egin du mezuarekin.
Zure interesekoa izan daiteke
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.