EAJk eta EH Bilduk pozez hartu dute ofizialtasunaren aldeko urratsa baina UPNk "jauntxokeriatzat" jo du
Euskadiko Euskal Pilota Federazioa (EEPF) Nazioarteko Euskal Pilota Federazioaren (FIPV) eskubide osoko kide gisa onartu dute larunbat honetan, Iruñean egindako bileran, eta horri esker, euskal pilotariek nazioarteko txapelketetan euskal selekzioa ordezkatuz parte hartzeko aukerari atea zabaldu zaio. Pozik agertu da Eusko Jaurlaritza, baita EAJ eta EH Bildu ere, baina oso kritiko hitz egin du, adibidez, UPNk.
Alderdi jeltzaleak pozez hartu du erabakia, eta 2022ko urrian Kongresuan eta Senatuan Kirol Legearen aldaketa onartzearekin lotu du albistea. Hala, EAJk nabarmendu du erabaki honek Euskadiko pilotariei Euskadiko elastikoa janztea eta nazioarteko lehiaketa ofizialetan ikurrinarekin desfilatzea ahalbidetuko diela.
Euskal selekzioen ofizialtasunaren aldeko "herri aldarria" dagoela ere nabarmendu, eta "aldarri hori kontuan hartuta", "ahalik eta kirol diziplina gehienei ofizialtasunerako bidean" laguntzeko konpromisoa berretsi du EAJk.
EH Bilduk eta EH Baik ere pozik hartu dute albistea: "Ongietorria ematen diogu EEPF FIPVeko kide izateari euskal jokalariak modu ofizialean jokatzen ikusteko aukera izango dugulako".
"Bide onean doan berri bat da, euskaldunon aitortzarako beste pauso bat, guztiok lanean jarraitu behar dugu, kirol eta esparru guztietan Euskal Herri osoa aintzat hartuko duten selekzioekin lehiatzeko aukera izan dezagun", esan dute ohar batean.
Aitzitik, kontrako ikuspegia plazaratu du UPNk. Alderdi erregionalistaren ustez, Nazioarteko Euskal Pilota Federazioaren Batzarrak Euskadiko Euskal Pilota Federazioaren parte hartzea ahalbidetzeko estatutuen erreforma onartu izana Xavier Cazaubon presidentearen "jauntxokeria" bat izan da.
"Hau guztia, 2022an, Kirol Legea aldatzeko Pedro Sanchezek EAJri egindako zesio politikotik sortu da", salatu du UPNk. "Kirolarentzat eta kirolarientzat onurarik ez duen erabaki politikoa da" eta "Espainiako kirolarentzat galera nabarmena da, bere potentziala ahultzen baitu pilotaren esparruan", ohartarazi du.
Alderdi erregionalistak salatu duenez, "Gabonak bezalako egun berezietan deitutako batzarrean, botoa emateko eskubidea duten 14 herrialdeetatik 7 bakarrik izan dira, eta, diziplina arrazoi ezberdinengatik, Espainiari eta Kubari parte hartzea eragotzi zaie; izan ere, horiek egon balira, proposamena ez litzateke aurrera aterako". Horregatik, "Espainiako kirol erakundeek zentzugabekeria hau zuzentzeko egingo dituzten ekintza legal guztiak" babestuko dituela iragarri du UPNk.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.