Bederatzi pertsona zigortu dituzte, Bilbon 2019an Vox alderdiaren hauteskunde-ekitaldi bat galarazteagatik
Bizkaiko Auzitegiak 4 eta 10 hilabete arteko espetxe zigorrak ezarri dizkie bederatzi laguni, Bilbon 2019ko azaroaren 5ean Voxen hauteskunde-ekitaldi bat galarazteagatik. Otsailaren 11ko data duen epaiak frogatutzat jo du akusatuek Voxen idearioaren hedapena galarazteko asmoarekin jokatu zutela, ekitaldia normaltasunez egitea eragotzi baitzuten.
Ebazpenaren arabera, akusatuek modu aktiboan parte hartu zuten Atxuriko Enkarnazio Plazan izandako istiluetan. Han, 150 bat lagun bildu ziren. Ekitaldian, irainak eta mehatxuak bota zizkieten Voxen kideei, eta polizia-lerroa urratzen saiatu ziren; ondorioz, alderdiak ezin izan zuen bere hauteskunde-programaren berri eman, Hauteskunde Legeak baimentzen duen bezala.
16:00ak eta 20:00ak bitartean informazio karpa bat jartzeko asmoa zuen Voxek, baina ekitaldia bertan behera geratu zen, irainak eta adierazpen iraingarriak botatzen zituzten manifestariak iritsi zirelako. Epaiaren arabera, Nerea Alzola Voxen Bizkaiko ordezkariaren aurkako mehatxuak ere izan ziren, eta karpan zeudenei eraso egiten saiatu ziren.
Auzipetuek oldarkortasun, larderia eta indarkeria giroa sortu zutela eta horrek hauteskunde-ekitaldia normaltasunez egitea eragotzi zuela ebatzi du auzitegiak. Akusatuetako zortzik egindakoa onartu zuten, eta epaimahaiak aringarria ezarri zien. Hala ere, gorroto, hertsapen eta irain delituetatik absolbitu zituzten.
Epaia ez da irmoa eta EAEko Auzitegi Nagusian helegitea jar dezakete. Vox pozik agertu da epaiarekin, nahikoa ez dela uste duen arren, eta beste alderdi politiko batzuen babes falta kritikatu du, Euskadin bere alderdiaren aurkako jazarpen sistematikoa dela iritzita.
Zure interesekoa izan daiteke
Migratzaileen lan-baimenen eskumena Nafarroak har dezala eskatuko du UPNk
Gainera, migrazio arloko beste neurri batzuk proposatuko ditu, hala nola udalentzako laguntzak biztanleria migratzailearen bolumenaren arabera doitzea, titulazioen homologazioa erraztea eta jatorrizko herrialdeetan kontratatzea errazteko estatuko legeak aldatzea.
“Lehentasun nazionala”, Extremadurako eta Aragoiko gobernu-akordioen ardatz
Maria Guardiola Extremadurako presidente izendatu dute asteazken honetan PPren eta Voxen aldeko botoekin, aurreko astean akordioa lortu ondoren. Aragoin ere adostasun batera iritsi dira bi alderdiak eta hurrengo astean izendatuko dute Jorge Azcon presidente.
Iparragirrek eta Azpiazuk damua agertzen duten gutunak egin ditu publiko Auzitegi Nazionalak, auto banatan
Biktimei zuzendutako hiru gutun dira publiko egin direnak, Iparragirreren bat eta Aspiazuren bi. Eragindako mina aitortzen dute ETAko buruzagi izandakoek.
Espainia NATOtik ateratzeko erreferenduma eskatzen zuen Podemosen mozioa errefusatu du Kongresuak
Besteak beste, moreek proposatutako testuak Rota eta Morongo baseetan AEBko jarduera militar oro bertan behera uztea eskatzen zuen, eta Espainiako historiako gastu militarraren igoerarik handiena lehengoratzea ere.
Kongresuak arma zuriei buruzko legedia gogortzeko PPren plana onartu du, zigor eta aldaketa gehiagorekin
Halaber, debekatutako armen katalogoa handitzea eta Internet bidezko salmentaren gaineko kontrola indartzea eskatu dute. Ekimenak aurrera egin du PPren, Voxen eta UPNren babesarekin.
Marisol Iparragirreri erdi-askatasuneko erregimena ukatu dio epaileak
100.2 artikulua aplikatuta, joan den martxotik, lo egitera joaten zen espetxera, aste barruan eta asteburuetan. Erabaki horren ondorioz, espetxean gelditu beharko du. Iparragirreren abokatuak EITBri aurreratu dio helegitea aurkeztuko dutela.
Ubarretxena: "Euskarak akordioak behar ditu, ez du zarata behar"
Gobernantzako, Administrazio Digitaleko eta Autogobernuko sailburu eta Eusko Jaurlaritzaren bozeramaile Maria Ubarretxenak adierazi duenez, ez dute "ezer hautsitzat eman", eta EAJk eta PSE-EEk EAEko administrazio publikoan LEPetan euskararen segurtasun juridikoa indartzeko egiten dituzten elkarrizketek "jarraitzen dute" eta "oraindik badago tarterik" akordio bat lortzeko. "Azken momentura arte" itxaron behar dela aipatu du.
Marlaskak dio Korrikan presoen argazkiak erakustea legez ez dela delitua
Fernando Grande Marlaska Espainiako Gobernuko Barne ministroak esan du "nazkagarriak" iruditu zitzaizkiola azken Korrikan ikusitako hainbat irudi, besteak beste, ETAko preso baten argazkia soinean zeraman haurrarena. Azaldu du segurtasun indarrek adi jarraitzen dutela halako gertakarien aurrean, baina, legea eskuan, ekintza horiek ez direla delitua erantsi du. Senatuan egin ditu hitzok ministroak, UPNko Maria Caballerori, ETAk hil zuen Tomas Caballero Iruñeko zinegotzi izandakoaren alabari, erantzunez.
Insaustik Udalaren autonomia defendatu du, Donostiako Infernuko lursail batzuk Eusko Jaurlaritzari lagatzeari uko egin ostean
PSEk, EH Bilduk eta Elkarrekin Donostiak bi udal lurzati Eusko Jaurlaritzari lagatzea eskatu zuten, etxebizitza publikoak eraikitzeko, eta alokairuko etxebizitza babestuak eskaintzeko aukera galdu izana deitoratu dute.
Eneko Anduezak “oso zail” jo du EAJrekin akordioa lortzea lanpostu publikoetan euskara blindatzeko
PSEren buruak adierazi du “prest” daudela hitz egiteko, baina jeltzaleen proposamena zalantzan jarri du eta esan du “milaka herritarren eskubideen aurka” doala. Joseba Díez Antxustegik, EAJren bozeramaileak Eusko Legebiltzarrean, “albiste txarra” dela uste du, “bai herriarentzat, bai euskararentzat”.