Tokiko industriaren aldeko apustua egin du Chivitek, "neoliberalismoaren" aurrean
"Neoliberalismoaren eta Trumpek zein eskuin muturreko beste zenbait buruzagik defendatzen duten nazionalismo ekonomikoaren aurrean", Nafarroako Gobernuak tokiko industria babesteko politikak sustatuko ditu. Maria Chivite Foru Gobernuko presidenteak esan du hori, inpaktu-ekonomiari buruz Iruñean egiten ari diren jardunaldi batean. Zehazki, inpaktu-ekonomia ari dira aztertzen, Nafarroak egin beharko bidea zein den identifikatzeko. "Nazionalismo ekonomikoa gailentzen den garaiotan, gizarte eta ingurugiro balioak sustatzeko tokiko industriaren alde egin behar dugu Europan", esan du Chivitek.
Estatu Batuek iragarritako muga-zergek izan dezaketen eragina gertutik jarraituko dutela ziurtatu du buruzagi sozialistak, eta "balizko inpaktuaren aurrean" prest egoteko neurriak hartuko dituztela. Hala, jakinarazi du neurri-sorta bat lantzen ari direla, Nafarroako industriak ahalik eta ondorio arinenak jasan ditzan.
Nolanahi ere, erantsi du oraindik "ikusteko" dagoela zenbaterainokoa izango den Donald Trump AEBko presidenteak ezarritako muga-zergen eragina. Hori dela eta, neurriak "progresiboki" hartuko direla ere erantsi du, "datu zehatzak" izan ahala.
Bere hitzaldian, Chivitek azpimarratu du ekonomia eta demokrazia ez direla beti elkarren lagun: "gizarte mailan aurreratuen dauden herrialdeak dira, hain justu, ekonomiaren kontrolerako neurri zorrotzenak ezarri dituztenak".
Erakunde publikoek inpaktu-ekonomian izan beharreko jokabidea ari dira aztertzen Iruñeko jardunaldian, eta han dira, besteak beste, Eusko Jaurlaritzaren ordezkariak eta finantza alorreko adituak.
Zure interesekoa izan daiteke
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.