Filtratu egin dira Sanchezek eta Abalosek elkarrekin trukatutako mezuak, ministro ohia inputatu aurrekoak
Pedro Sanchez Espainiako Gobernuko presidenteak eta Jose Luis Abalos PSOEko Antolakuntza Idazkari ohiak elkarrekin trukatutako mezu pribatuen filtrazioak Espainiako eztabaida politikoaren erdigunean jarri dira.
El Mundo egunkariak zabaldutako informazioan agertzen denez, erkidegoetako agintari sozialistei aurre egiteko eskatzen zion Sanchezek Abalosi, barne kritikengatik, eta "hipokrita" deitzen zien.
Mezu horien arabera, Sanchez harremanetan jarri zen Abalosekin ministro kargutik kendu ostean, eta 2023an elkarrekin lan egitea, haren laguntasuna eta irizpide politikoa falta zituela onartu zion.
Enma Lopez PSOEren Politika Ekonomikoko eta Eraldaketa Digitaleko idazkariak adierazi duenez, "ezagunak ziren eta inolako ekarpenik egiten ez duten mezu pribatuak dira. Inolako esangurarik ez duen zerbaiti garrantzia ematen ari zaio".
Ana Redondo Espainiako Berdintasun ministroak, bestalde, filtrazioa ikertzea eskatu du, Sanchezi "komunikazio sekreturako eta intimitaterako" eskubidea "urratzen" ari zaizkiolako.
Bide beretik jo du Salvador Illa Kataluniako Generalitateko presidenteak: "Oso kezkagarria da Gobernuko presidentearen mezuak argitaratzea. Duela gutxi filtrazioei buruzko ikerketa oso zorrotzak egin izan dira. Espero dut hemen ere hala izatea, nire ustez ez baita kontu hutsala".
Emiliano Garcia-Page Gaztela-Mantxako presidentearen iritziz, berriz, mezuek agerian uzten dute Sanchez eta Abalos "lagun minak" zirela.
Alderdi Popularraren arabera, berriz, mezuetan argi ikusten da Espainiako Gobernuko presidenteak "guztia zekiela eta estali" egin zuela. Horregatik, hauteskunde orokorrak aurreratzea eskatu du berriro.
Horixe adierazi du Cuca Gamarra PPren idazkari nagusiak, "horren gertuko" harremanak "gauza asko" erakusten dituela gehitu aurretik: "Hura kargugabetuta Gobernuko presidenteak oso-osorik ezagutzen zuen eskandalu handi bat estali zen".
Podemosek adierazi du Sanchezek "azalpen asko" eman beharko dituela Jose Luis Abalos kargugabetzeari buruz, izan ere, "sinesgaitza" da alderdi morearentzat presidenteak "ustezko ustelkeria" kasuez ezer ez jakitea.
Zure interesekoa izan daiteke
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.