Jaurlaritzan "alde bakarrez" aritzea egotzi dio Anduezak EAJri, eta koalizioan jarraitu nahi duen galdetu
Eneko Andueza PSE-EEren idazkari nagusia oso kritiko azaldu da EAJ gobernukidearekin, eta Jaurlaritzaren baitan "alde bakarrez eta desleial" jardutea egotzi dio, bi alderdiek gai jakin batzuen kontura izan dituzten desadostasunak direla eta. "Ez dakit gurekin gobernuan jarraitzeko gogotsu dauden", erantsi du. Horren harira, izan ditzaketen talka horiei buruz "berba egiteko eta adosteko" eta "zintzotasunez eta leialtasunez" aritzeko deia egin du. Giro honetan, ohartarazi duenez, EH Bildu da "etekina ateratzen duen bakarra".
ETBko "Egun On" saioan elkarrizketatu dute Euskadiko sozialisten buruzagia, eta azken egunotan, migrazioaren kontura bazkideek izan duten ika-mikaz galdetu diote. Anduezak aitortu du "sorpresaz hartu" zituela Imanol Pradales lehendakariaren adierazpenak —"behar dugun" eta "iristen ari den" migrazioaren inguruko gogoeta egitea eskatu zuen joan den astean—. Are zorrotzago mintzatu da Joseba Diez Antxustegik esandakoen aurrean —"migrazio selektiboa" defendatu zuen hark— eta "arrazistatzat" jo ditu.
Horrez gain, ukatu egin du gobernu bileran ez zela migrazioari buruz hitz egin. "Bozeramaileak atzo esan zuen gai horren inguruan ez zela berba egin, baina ez da egia (...). Bi sailburuk, lehendakariordeak eta beste sailburu sozialista batek, hitz egin zuten migrazioari buruz. Ez dut ulertzen batzuek zer nolako gogoa duten elkargunetik irteteko", salatu du.
Anduezak gogora ekarri duenez, EAJk eta PSE-EEk gobernu akordioa dute izenpetuta, eta bertan Jaurlaritzaren "posizio politikoak edo elkarguneak" zehazten dira; "horiek bete egin behar dira", azpimarratu du. "Batzuek posizio politiko horietatik ateratzen badira Euskadiko sozialistak ez gara isilduko eta gure posizioa defendatuko dugu", argitu du.
Buruzagi sozialistaren aburuz, "azkenaldian" jarrera hori izan dute lehendakariak berak AHTa dela eta, eta Juan Ignacio Perez Iglesiasek Unibertsitate dekretuaren harira. Anduezak salatu du Perez Iglesiasek "bere kabuz, bere posiziotik eta gobernukidearekin hitz egin barik" adierazi zuela dekretuaren kontrako iritzia. "Hori ez da gobernuaren posizioa eta nik hori publikoki azaldu behar dut", nabarmendu du.
EAJk, erantzun: "Ez gara probokazioetan sartuko"
Anduezaren adierazpenei erantzun diete EAJren EBBko iturriek. Nabarmendu dutenez, buruzagi sozialistaren adierazpenak "bidegabeak" izan dira, "hitz laidogarriak erabili baititu". Hori horrela, adierazi dute ez direla "probokazioetan" sartuko. EAJren iritzian, Anduezaren esanek "urduritasuna baino ez dute erakusten, berak jakingo du zergatik".
Argitu dutenez, "EAJk behintzat ez du Gobernu koalizioa zalantzan jartzen", eta Eneko Anduezari leporatu diote "leialtasun eza edo mesfidantza terminoak erabili" izana.
Albiste gehiago politika
Espainiako Gobernuak eta Generalitateak finantziazio-eredua sinatzea espero dute, beste autonomia batzuk mesfidati agertu diren arren
Espainiako Gobernuaren eta Generalitatearen arteko Aldebiko Batzordea 12:00etan egingo da Bartzelonan, mahai gainean finantziazio eredu berezia duela. PSCren eta ERCren arteko akordioaren emaitza da, eta orain bi exekutiboek onartu dute, baina zehetasunak falta dira.
EAJk Voxi: "Zuekin ez, ezta Voxekin batera datozenei ere"
Ikurrinak 131 urte bete ditu. Lehen aldiz Bilboko Posta kalean zegoen Batzokian zintzilikatu zuten. Ikurrinari gaur egindako omenaldian Iñigo Ansola BBBko presidenteak adierazi du gure kultura, nortasun eta euskararen kontra daudenekin inolaz ere ez dutela bat egingo ere, Voxi aipamen zuzena eginda.
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregi Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen aldebakarreko eta itundu gabeko igoera baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.
ERCk finantzaketa eredua zehazteko eskatu dio PSOEri, eta zerga agentzia independentea bultzatzeko
Salvador Illa Generalitateko presidente izendatzea errazteko PSCk eta ERCk lortutako akordioaren arabera, 2026tik aurrera Kataluniako Zerga Agentziak izan beharko luke Katalunian PFEZa biltzeko ardura.
Miguel Angel Blancori omenaldia Ermuan, ETAk hil zuela 28 urte bete direnean
Miguel Angel Blanco zenaren familiak eta alderdikideek hura oroitu dute larunbat honetan Ermuan, ETAk hil zuela 28 urte bete diren egunean. Miguel Tellado PPko idazkari nagusiak parte hartu du ekitaldian eta esan du Pedro Sanchezen Gobernuaren alternatiba "martxan" dagoela EH Bilduk "herri honen etorkizunaren koma bat ere ez dezan erabaki".
EAJk guztiontzako gobernatzen duela aldarrikatu du eta alderdiaren "zintzotasuna eta sinesgarritasuna" nabarmendu ditu
Amurrion egindako ekitaldi batean, Arabako ahaldun nagusiak adierazi du gizarte politikak, enplegua eta lurralde konexioa lehentasuna direla jeltzaleentzat. Gainera, AP-68 autobideko bidesarien prezioa murriztuko duela iragarri du.
Alderdi sozialistan ustelkeriak ez duela tokirik esan du Javier Hurtado Arabako sozialisten buruak
Politika negozioarekin nahasten dutenak alderditik kanpo geratu behar direla adierazi du larunbat honetan Gasteizen egindako ekitaldian. Halaber, PSE-EE Arabako erakundeetan egoteak lurraldeko proiektu garrantzitsuenetan aurrerapen handiak ekarri dituela esan du.
EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa
Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan.
PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri
PSOEren estimazioak behera egin du, PPk irabazi egiten dio boto asmo zuzenean eta Vox % 18,3ra igo da, inoizko emaitzik onena. EAJk bi hamarren egin du gora boto estimazioan ( % 0,8) eta EH Bilduk 3 hamarren egin du behera (% 0,9).
EH Bildu eta Podemos bat datoz ziklo politiko berri bat abiatzeko beharrarekin
EH Bilduk Pedro Sanchezen inbestidura ahalbidetu zuten eragile politiko guztiekin irekitako bilera-sortan kokatzen da gaurko topaketa.