Gasteizek urtero 12,5 milioi jasoko ditu hiriburutza kanon gisa, % 25 gehiago
Eusko Jaurlaritzak 12,5 milioi eurora igoko du hiriburutza kanon bezala Gasteizek urtero jasoko duen diru kopurua. Gaur egun 10 milioiko diru-sarrera du Arabako hiriburuak.
Imanol Pradales lehendakariak eta Maider Etxebarria Gasteizko alkateak agerraldi bateratua egin dute gaur, 2017tik aldaketarik gabe mantentzen zen kanon hori berritzeko bi erakundeen arteko akordioaren berri emateko.
Hain zuzen ere, ostiralean 45 urte beteko dira Gasteiz Euskal Autonomia Erkidegoko (EAE) erakundeen egoitza izendatu zuen legea onartu zenetik.
Urteurren hori dela eta, kanon hori eguneratzea komeni ote zen eztabaidatu da. Gasteizko Udalak duela urtebete onartu zuen mozio bat figura hori eguneratzeko eskatuz.
Ostegun honetan bertan, Eusko Legebiltzarrak ekimen bat onartu du, EH Bilduren (Legebiltzarreko bigarren indarra) kontrako botoarekin eta Sumarren abstentzioarekin. Ekimen horretan, 2025-2028 eperako kanon hori "lehenbailehen" eguneratzeko eskatu diote gainerako talde politikoek Eusko Jaurlaritzari.
% 25eko igoera
Kanon hori 2012an sortu zen, eta 4,4 milioi euroko ekarpenarekin, baina hilabete batzuk geroago kopuru hori 5 milioira igo zen. 2017an onartu zuen Eusko Jaurlaritzak 10 milioiko partida, eta orain arte ez da aldaketarik izan. Gaur % 25 igotzea adostu dute erakundeek.
Lehendakariak azaldu duenez, datozen lau urteetan Eusko Jaurlaritzak 50 milioi euro emango dizkio Gasteizi, kanonak "hirian begi-bistako eragina" izan dezan.
Arabako hiriburuko alkatea pozik agertu da akordio horrekin, erakundeen arteko harremanek izan behar dutenaren adibide gisa jarri baitu, eta ostiralean legea onartu zenetik 45 urte beteko direla ospatzeko egingo diren ekitaldiei "amaiera ezin hobea" ematen diela gaineratu du.
Gasteiz EAEko hiriburu ofizial gisa definitzeko legea erreformatzea komeni ote den galdetuta, Pradalesek esan du "ez duela eztabaidarik onartzen Gasteiz Euskadiko hiriburua dela", eta kanon hori berritzea horren froga "nabarmena" dela.
Bestalde, alkateak berretsi du Gasteiz dela "de facto" hiriburua, eta eztabaida hori atzean utzi behar dela.
Gasteizko PPren ahotan, bi agintariek iragarritako hiriburutza kanona "ez da nahikoa, urtean 20 milioira iritsi beharko litzatekeelako".
Ohar batean, Iñaki Garcia Calvo Gasteizko PPko zinegotzi eta bozeramaileak adierazi duenez, "euskal ogasunen diru-bilketa ia 600 milioi euro hazi da", baina alkate sozialistak "hiriburutza kanona izoztuta 10 urte igaro eta gero, 2,5 milioi igotzea besterik ez du lortu".
"EAJk eta PSOEk adostu duten zenbatekoak ez du inolako anbiziorik, eta Gasteizek Euskadiko hiriburu gisa merezi duenetik oso urrun geratzen da", berretsi du.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.