Euskara sustatzeko Hizkuntzen Normalizaziorako Plana egitea adostu dute Iruñean

Iruñeko Udalak euskara sustatzeko Hizkuntzen Normalizaziorako Plana osatzeko pausoa eman du. Astelehen honetan planaren oinarria izango den dokumentua onartu dute, EH Bilduk, Geroa Baik eta Zurekin Nafarroak osatzen duten udal gobernuaren eta PSNren babesarekin. Halaber, bihar eztabaidatuko dute dokumentua Herritarren Aferen Batzordean.

Aitziber Campion Herritarren Partaidetzerako eta Euskarako zinegotziak gaur goizean egin duen prentsaurrekoan azaldu duenez, gaurkoa "egun pozgarria" da Iruñea kohesionatuago eta (aniztasunarekiko) errespetagarriagoa lortzeko bidean.

Akordioak ahalbidetuko du plana eratu ahal izatea, euskara babestu eta sustatzeko asmoz. Campionek ziurtzat jo du planak jasoko duela euskara hizkuntza gutxitua dela eta horren aurrean udalak erantzukizun instituzionala duela. Halaber, euskarak gizarte kohesiorako zubi izan behar duela zehaztu du.

Gobernu taldeak ekarpenak egiteko eskatu zion oposizioari, baina PSN izan da zirriborroari ekarpenak egin dizkion bakarra. Campionen esanetan, akordioa lortzea ez da zaila izan eta ekarpen guzti-guztiak "funtsezkoak" izan dira. Gaineratu duenez, "aberasgarria" izan da lau taldeak eroso sentituko diren dokumentu bat egitea.

Plana noizko egongo den galdetuta, 2026. urtearen hasieran prest egotea aurreikusten du Iruñeko Udalak. Horren aurretik, urte amaierarako diagnostikoa prest izatea espero du. 

Gradualtasun eta ekitate printzipioak

Planaren oinarrizko printzipioak hauek izango dira: gradualtasuna, indarrean dagoen araudia errespetatzea eta ekitatea. Gauzak horrela, elkarbizitza sustatu nahi du planak, euskara zaindu eta babesteko eta Udalaren eta herritarren arteko harremanetan euskararen ezagutza eta erabilera sustatzeko.

Hau da dokumentuan jasotako konpromisoetako bat: Udalak euskara sustatu eta ikusaraztea, ekitaldi publikoetan eta herritarrei zuzendutako mezu eta jakinarazpenetan euskara erabilita.

Halaber, euskara ikasteko baliabideak eta informazioa eskainiko dira, herritar guztiek euskara ikasi eta erabiltzeko aukera berdintasuna izan dezaten.

Horrez gain, Udalak konpromisoa hartuko du Hizkuntzen Normalizaziorako Plana eratzeko adina partida ziurtatzeko eta plan horretan jasoko diren ekintzak martxan jartzeko. 

Gainera, Euskararen Udal Kontseilua sortuko da: Hizkuntzen Normalizaziorako plana garatzen laguntzeko organo aholku-emailea. 

Iruñeko Udalak euskara sustatzeko Hizkuntzen Normalizaziorako Plana osatzeko pausoa eman du. Astelehen honetan planaren oinarria izango den dokumentua onartu dute, EH Bilduk, Geroa Baik eta Zurekin Nafarroak osatzen duten udal gobernuaren eta PSNren babesarekin. Halaber, bihar eztabaidatuko dute dokumentua Herritarren Aferen Batzordean.

Aitziber Campion Herritarren Partaidetzerako eta Euskarako zinegotziak gaur goizean egin duen prentsaurrekoan azaldu duenez, gaurkoa "egun pozgarria" da Iruñea kohesionatuago eta (aniztasunarekiko) errespetagarriagoa lortzeko bidean.

Akordioak ahalbidetuko du plana eratu ahal izatea, euskara babestu eta sustatzeko asmoz. Campionek ziurtzat jo du planak jasoko duela euskara hizkuntza gutxitua dela eta horren aurrean udalak erantzukizun instituzionala duela. Halaber, euskarak gizarte kohesiorako zubi izan behar duela zehaztu du.

Gobernu taldeak ekarpenak egiteko eskatu zion oposizioari, baina PSN izan da zirriborroari ekarpenak egin dizkion bakarra. Campionen esanetan, akordioa lortzea ez da zaila izan eta ekarpen guzti-guztiak "funtsezkoak" izan dira. Gaineratu duenez, "aberasgarria" izan da lau taldeak eroso sentituko diren dokumentu bat egitea.

Plana noizko egongo den galdetuta, 2026. urtearen hasieran prest egotea aurreikusten du Iruñeko Udalak. Horren aurretik, urte amaierarako diagnostikoa prest izatea espero du. 

Gradualtasun eta ekitate printzipioak

Planaren oinarrizko printzipioak hauek izango dira: gradualtasuna, indarrean dagoen araudia errespetatzea eta ekitatea. Gauzak horrela, elkarbizitza sustatu nahi du planak, euskara zaindu eta babesteko eta Udalaren eta herritarren arteko harremanetan euskararen ezagutza eta erabilera sustatzeko.

Hau da dokumentuan jasotako konpromisoetako bat: Udalak euskara sustatu eta ikusaraztea, ekitaldi publikoetan eta herritarrei zuzendutako mezu eta jakinarazpenetan euskara erabilita.

Halaber, euskara ikasteko baliabideak eta informazioa eskainiko dira, herritar guztiek euskara ikasi eta erabiltzeko aukera berdintasuna izan dezaten.

Horrez gain, Udalak konpromisoa hartuko du Hizkuntzen Normalizaziorako Plana eratzeko adina partida ziurtatzeko eta plan horretan jasoko diren ekintzak martxan jartzeko. 

Gainera, Euskararen Udal Kontseilua sortuko da: Hizkuntzen Normalizaziorako plana garatzen laguntzeko organo aholku-emailea.