Feijook hauteskundeak aurreratzea eskatu du, baina zentsura mozioaz hitz egitea saihestu du
PPko buruak azpimarratu du dagoeneko Sanchezek sinesgarritasuna galdu duela, eta ohartarazi du "ezinezkoa" dela "erantzukizunak astindu nahi izatea, guztiak dituelako".
Alberto Nuñez Feijoo PPko buruzagiak gogor kritikatu du Pedro Sanchez Espainiako presidentea, Guardia Zibilaren Unitate Zentral Operatiboak (UCO) Santos Cerdan PSOEko Antolakuntza idazkari ohia ustezko ustelkeriarekin erlazionatu duela eta. PPk Genova kalean duen egoitza nagusitik egindako agerraldian, Feijook esan du Sanchezek emandako azalpenak "ez direla nahikoak" eta "etsigarriak" direla.
"Ezinezkoa da erantzukizunak astindu nahi izatea, guztiak dituelako", adierazi du Feijook, eta Gobernuko presidenteari "inora ihes egiten" saiatzea leporatu dio. Horrez gainera, "ustelkeriak markatutako gobernu batean" paper nagusia betetzea egotzi dio.
PPko buruzagiaren agerraldia Sanchezek PSOEren kontuen kanpoko auditoria eta Batzorde Exekutibo Federalaren berregituraketa iragarri eta gutxira izan da, Cerdanek dimisioa eman ostean. Hala ere, gobernuburuak iragarritako neurriak eszeptizismoz eta gaitzespenez jaso ditu Feijook: "Ez dago suebakirik. Sanchezek ezin du politikoki bizirik iraun. Berak izendatu zituen, berak berritu zien konfiantza beti. Ez dago sinetsiko duenik".
Feijook gogoratu du presidentearen ingurune pertsonala ere ikertzen ari direla, eta txosten polizialetan jasotako gertakarien larritasuna azpimarratu du, ustezko hamar delitu barne hartzen baititu. "Ez da Abalosen kasua, Sanchezena baizik. Primarioak lapurtzen etorri ziren, eta ordutik ez dira gelditu. Ustelkeria da dagoeneko Gobernu honen ur-marka", esan du.
Buruzagi popularrak azpimarratu du "erabat lotsatuta" dagoela orain arte ezagututakoagatik, eta berretsi du, Europako beste edozein herrialdetan, "lehen ministro batek ez lukeela karguan hamar minutu ere iraungo". Ildo horretan, "justiziari amore emateko" eta "kontrolatzen saiatzeari uzteko" eskatu dio Sanchezi.
"Egoera honek nazka ematen dit. Jendearen harriduraz arduratzen naiz, hiritar zintzoen suminduraz. Biktima ez da Pedro Sanchez. Biktimak espainiar guztiak gara", amaitu du, "ihesaldi" gisa definitu duenaren amaiera eta hauteskunde orokorren premiazko deialdia eskatuz.
Politikari buruzko albiste gehiago
Semper: "EAJ jabetzen hasi da PSOEk botata utziko duela edozein unetan"
PPko bozeramailearen arabera, "Euskadin etorkizunerako aukera, aritmetikoa, PSE Bildurekin joatea da, EAJren aukera albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.