Auzitegi Nazionalak Josu Urrutikoetxea auzipetu du, herriko tabernen auziarekin lotuta
Santiago Pedraz magistratuak 2002a eta 2019a bitartean ETAko “buruzagi nagusietako bat” izatea egotzi dio, eta erakundearen disoluzioa iragarri izana nahikoa froga dela uste du horretarako.
Josu Urrutikoetxea, artxiboko irudi batean. EITB
Santiago Pedraz Auzitegi Nazionaleko epaileak Josu Urrutikoetxea auzipetu du, ETAko buruzagietako bat izatea egotzita, herriko tabernen auziari lotuta.
Pedraz epaileak sumarioa itxi eta Auzitegi Nazionaleko Zigor Aretora bidali zuen iaz. Bigarren Zigor Aretoak, ordea, atzera bota zuen auzia amaitutzat emateko erabakia, Dignidad y Justicia elkarteak egindako eskaria aintzat hartuta.
Autoan zehaztu duenez, nahikoa zantzu dago 2002a eta 2019a bitartean Josu Urrutikoetxea ETAko buruzagi nagusietakoa izan zela baieztatzeko. Zehazki, erakunde edo talde terroristako zuzendaritzako kide izatea leporatzen dio epaileak.
2019an atxilotu zutenean atzemandako dokumentazioan oinarrituta erabaki du Auzitegi Nazionalak ETAko buruzagi nagusi gisa auzipetzea. Pedrazen arabera, ETAko kide "mugatu" batzuen eskura zeuden hura atxilotu zutenean konfiskatu zizkioten dokumentuak. Era berean, gaineratu du Urrutikoetxea izan zela ETAren disoluzioa iragarri zuena, eta Espainiako Gobernuko ordezkariekin bildu zela.
Hori dela eta, Urrutikoetxearen aurkako auzia zabaltzea erabaki du.
Urrutikoetxearen aurkako auziak
Herriko tabernena ez da Urrutikoetxearen kontra irekita dagoen auzi bakarra. Horien artean daude Guardia Zibilaren Zaragozako kuartelaren kontrakoa eta Barajasko T4 terminalaren aurkako atentatuaren harira zabalik dagoen prozesua eta herriko tabernen auzia.
Gaur egun, Urrutikoetxea (74 urte) Lapurdin bizi da, baldintzapeko askatsunean.
Zure interesekoa izan daiteke
Sanchez eta Feijooren bilera astelehen honetan, tentsio handiko une batean eta azken batzarretik hamar hilabetera
Segurtasun eta diplomazia estrategiari buruzko bilera izango da, eta bilera-sortak aurrera jarraituko du asteartean, Sumarrekin eta ERCrekin, eta ostegunean, EH Bildurekin eta EAJrekin.
EH Bilduk "zorrotz" jarraituko du eraitsitako jauregiaren inguruko ikerketa, eta ustelkeria zantzurik egonez gero, ardurak eskatuko ditu
Iker Casanova EH Bilduren Bizkaiko bozeramaileak gogorarazi duenez, koalizioak salatu zuen Fiskaltzaren aurrean Irurak Bat jauregia eraitsi izana. Ikerketa martxan dagoenez, "zuhur" agertu da, baina hori bukatutakoan "zorrotz" arituko direla hitzeman du.
Ansolak berretsi du "irregulartasunik ez" zela izan eraitsitako jauregiaren kasuan, eta zinegotzi jeltzaleen errugabetasun-presuntzioa defendatu du
EAJren BBBko presidentea "harrituta" agertu da Ertzaintzak Getxoko udal bulegoak miatu dituela eta. Ansolak azpimarratu duenez, zinegotziak ez daude ikerketapean, baina EAJk "erabakiak hartuko lituzke" irregulartasunen bat edo etikoki portaera txarren bat ikusiko balu.
Lander Martinez: "Yolanda Diaz da gure aktiborik onena, eta bera izan da beti gure apustua"
Sumarreko euskal diputatuak adierazi du "mimoz" ari direla lanean alderdien artean "espazio bateratuak" eta "konfiantzazko espazioak" sortzeko, "maila instituzional bakoitzean boto-paper bakarra" egon dadin.
Elizalde: "Erakundeek eta herritarrek ez digute esker onik adierazi San Frantzisko eliza Martxoak 3 Memorialaren esku uzteagatik"
Gasteizko gotzaina kexu agertu da administrazio alorrean dagoen "moteltasun izugarria" tarteko, eta biktimen elkarteekin "tentsioa" dagoela aitortu, eta horrek "patronatu lasaia" edukitzea zailtzen duela erantsi du. Hala ere, "hainbeste urteren ostean" proiektu bat egotea positibotzat jo du, eta garrantzia kendu dio Memorialak 1976ko sarraskiaren urteurrenerako ateak ez irekitzeari.
Eskualdatzeke dauden transferentziak: zeintzuk dira eta zertan dira negoziazioak?
Ostiral honetan gauzatu diren bost eskualdaketez harago, Autonomia Estatutuak aitortutako beste 15 transferentzia falta ditu EAEk. Eskumenen nahas-mahasean ez galtzeko, honatx egin gabekoen zerrenda gaurkotua.
EH Bilduk “subiranotasunean jauzi bat" emateko beharra azpimarratu du
Gernikako Estatutua zaharkituta geratu dela dio Euskal Herria Bilduk, edukirik barik. Horregatik, subiranotasunean jauzi bat eman behar dela esan du Pello Otxandianok.
Estatutua betetzeko eskatu dio EAJk Espainiako Gobernuari: "Kitatu beharreko zorra da"
Maitane Ipiñazar EAJko Euzkadi Buru Batzarreko idazkariak "negoziatzeko modua aldatzeko" deia egin dio Espainiako Gobernuari, "ez delako egokia", eta negoziazio "ordenatuagoa" egitearen alde egin du.
Ubarretxena: "Urte luzetan itxita egon den Gizarte Segurantzaren atean zirrikitu bat zabaldu dugu etorkizunari begira"
Eusko Jaurlaritzako Gobernantza, Administrazio Digital eta Autogobernu sailburua "lasaiago" agertu da iaz adostutako bost eskumenak transferituta, eta gainerakoak negoziatzen jarraituko dutela azpimarratu du. Ez du uste Sanchezen gobernuarekin itxiko dituzten azken eskumenak izango direnik; nolanahi ere, "kezka" azaldu du balizko gobernu aldaketa batek negoziazioa zailduko lukeelako, batez ere tartean eskuin-muturra egonda.
Sumar atzean utzi eta PSOEtik aldendutako koalizio berri bat bultzatzeko deia egin du IUk
Yolanda Diaz kide duen Sumar Mugimendua alderdiak adierazi du garrantzitsuena ez direla izenak edo taldeak, "benetako funtsa" gobernatzen jarraitu ahal izatea baita.