Noelia Nuñez PPren diputatuak kargu guztiak utzi ditu
Nuñezek bere gain hartu du egindakoen "erantzukizun osoa", eta adierazi barkamena eskatzea "ez dela nahikoa". Hori dela eta, utzi egin ditu Genovan eta Kongresuan orain arte bete dituen karguak, X sare sozialean iragarri duenez.
Noelia Nuñez, orain arte PPren diputatua izan dena. Artxiboko argazkia: Europa Press
Noelia Nuñez PPren diputatuak asteazken honetan iragarri du kargu guztiak utzi egingo dituela, Kongresurako bere prestakuntza akademikoari buruzko "informazio okerra" aurkeztu zuela publiko egin berritan.
Nuñezek bere gain hartu du egindakoen "ardura osoa", eta adierazi du barkamena eskatzea "ez dela nahikoa". Hori dela eta, utzi egin ditu Genovan eta Kongresuan orain arte bete dituen kargu guztiak, X sare sozialean iragarri duenez.
Gaur goizean aitortu du ez dituela Zuzenbideko ikasketak amaitu, eta, hortaz, ez duela gradurik, Diputatuen Kongresuko bere fitxan gradua egin egin zuela agertzen den arren.
X sare sozialean zabaldu duen mezuan eman ditu azalpenak ordezkari popularrak, Oscar Puente Garraio ministro sozialistak haren curriculumaren inguruko zalantzak sare sozial horretan bertan adierazi berritan.
PPko Mobilizazio eta Erronka Digitaleko idazkariorde ere izandakoak aitortu du Diputatuen Kongresuko bere fitxan ageri den ikasketei buruzko informazioa "okerra" dela, baina ziurtatu du ez duela "inoiz izan engainatzeko asmorik".
Nuñezek azaldu duenez, Madrilgo Unibertsitate Konplutentsean Zuzenbide ikasketak hasi zituen, baina, denbora batera, espedientea UNEDera aldatu zuen. Gerora, Ingeles Ikasketetako gradua egiten hasi zen. 2019an, ostera, Zuzenbideko gradu bikoitza hasi zuen UNEDen bertan. Amaitu barik ditu hiru-hirurak, nahiz eta amaitzeko asmoa agertu duen.
Testuinguru horretan, karguak berehala uzteko eskatu dio goizean PSOEk Nuñezi, haren curriculumaren inguruan "kontzienteki" eta "behin birritan" gezurra esateagatik.
"Hedabideen aurrean egindako elkarrizketetan, Zuzenbidean, Ingeles Filologian eta Herri Administrazioko Zientzia Juridikoetan lizentziatua zela adierazi zuen. Hori ez da egia", nabarmendu du PSOEk ohar batean. "Ez da akats txiki bat", gaineratu dute sozialistek.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.